متحدہ عرب امارات کی وزارت دفاع کا کہنا ہے کہ یمن سے اپنے فوجی دستوں کی واپسی مکمل کر لی ہے۔غیر ملکی ذرائع ابلاغ کے مطابق اس حوالے سے اماراتی وزارت دفاع کا کہنا تھا کہ یمن سے اماراتی فوجی دستوں کی واپسی کا عمل مکمل کرلیا گیا ہے۔وزارت دفاع کے مطابق دہشت گردوں کے خلاف آپریشن کے بعد فوج واپس بلائی ہے۔ یمن میں شراکت داروں کے ساتھ ہم آہنگی سے فوجی مشن مکمل کیا ہے۔دوسری جانب وینزویلا کے صدر نکولس مادورو کا کہنا ہے کہ ان کا ملک امریکا کے ساتھ بات چیت اور تعاون کے لیے تیار ہے، تاہم انہوں نے حالیہ مبینہ امریکی حملے سے متعلق سوال کا براہِ راست جواب نہیں دیا۔وینزویلا کے صدر نکولس مادورو کا یہ بیان ایسے وقت سامنے آیا ہے جب وینزویلا کو گزشتہ چند ہفتوں سے امریکی فوجی دباؤ کا سامنا ہے۔رپورٹس کے مطابق ریاستی ٹی وی کو دیے گئے ایک انٹرویو میں صدر مادورو نے امریکا کے ساتھ مذاکرات کے امکان پر بات کرتے ہوئے کہا کہ منشیات کی اسمگلنگ، تیل اور ہجرت جیسے معاملات پر واشنگٹن کے ساتھ بات چیت کے لئے تیار ہیں۔صدر مادورو نے امریکی صدر ڈونلڈ ٹرمپ کے اس دعوے کی نہ تو تصدیق کی اور نہ ہی تردید کی جس میں کہا گیا تھا کہ امریکا نے وینزویلا میں منشیات بردار کشتیوں کے لیے استعمال ہونے والی ایک ڈاکنگ سہولت کو نشانہ بنایا ہے۔ٹرمپ کے سخت بیان کے بعد چین کا وینزویلا کی حمایت کا اعلاناس حوالے سے سوال پر مادورو نے کہا کہ یہ ایسا معاملہ ہو سکتا ہے جس پر ہم چند دن بعد بات کریں۔ اگر تصدیق ہو جاتی ہے تو یہ کارروائی لاطینی امریکا سے منشیات کی اسمگلنگ کے خلاف امریکی مہم کے دوران پہلا زمینی حملہ تصور کی جائے گی۔رپورٹس کے مطابق امریکی صدر نے پیر کے روز کہا تھا کہ امریکا نے وینزویلا میں مبینہ منشیات بردار کشتیوں کے لیے استعمال ہونے والی ایک ساحلی ڈاک کو تباہ کر دیا ہے۔