لوک سبھا میں قائد حزب اختلاف اور کانگریس کے سینئر لیڈر راہل گاندھی اور کانگریس صدر ملکارجن کھڑگے نے ساوتری بائی پھولے کے یوم پیدائش کے موقع پر انہیں خراجِ عقیدت پیش کیا۔ دونوں رہنماؤں نے سماجی انصاف، خواتین کی تعلیم اور محروم و استحصال زدہ طبقات کے حقوق کے لیے ساوتری بائی پھولے کی جدوجہد کو یاد کرتے ہوئے کہا کہ ان کا نظریہ اور خدمات آج بھی ہندوستانی سماج کو برابری اور شعور کے راستے پر آگے بڑھنے کی رہنمائی فراہم کرتی ہیں۔راہل گاندھی نے کہا کہ ہندوستان کی پہلی خاتون معلمہ ساوتری بائی پھولے نے محروم اور استحصال زدہ طبقات کے حقوق کے لیے جو جدوجہد کی، وہ آج بھی سماجی انصاف کے راستے پر رہنمائی فراہم کرتی ہے۔ راہل گاندھی کے مطابق تعلیم کے ذریعے سماج میں برابری اور شعور پیدا کرنے کی جو بنیاد ساوتری بائی پھولے نے رکھی، وہ جدید ہندوستان کی فکری تشکیل میں سنگِ میل کی حیثیت رکھتی ہے۔भारत की पहली महिला शिक्षिका, सावित्रीबाई फुले जी की जयंती पर उन्हें सादर नमन।वंचितों और शोषितों के अधिकारों के लिए उनका संघर्ष और सामाजिक न्याय की दिशा में उनका योगदान सदैव हमारा मार्गदर्शन करते रहेंगे। pic.twitter.com/5LiCSthfTZ— Rahul Gandhi (@RahulGandhi) January 3, 2026کانگریس کے صدر ملکارجن کھڑگے نے بھی ساوتری بائی پھولے کو ان کے یوم پیدائش پر یاد کرتے ہوئے انہیں کرانتِی جیوْتی، عظیم ماہرِ تعلیم اور ملک کی پہلی خاتون معلمہ قرار دیا۔ انہوں نے کہا کہ ساوتری بائی پھولے نے دلت، محروم، مظلوم اور استحصال کا شکار طبقات کے حقوق کے لیے مضبوط عزم کے ساتھ جدوجہد کی۔ ملکارجن کھڑگے کے مطابق خواتین کی تعلیم اور عورتوں کے حقوق کو مضبوط بنانے میں ان کا کردار تاریخی اور ناقابلِ فراموش ہے، جس نے سماجی ڈھانچے میں دور رس تبدیلیاں پیدا کیں۔क्रांतिज्योति, महान शिक्षाविद एवं देश की प्रथम महिला शिक्षिका और हमारी प्रेरणास्रोत सावित्रीबाई फुले जी की जयंती पर कोटि-कोटि नमन।उन्होंने समाज के वंचित, दलित, पीड़ित और शोषित वर्गों के अधिकारों के लिए दृढ़ता से संघर्ष किया तथा स्त्री शिक्षा और महिला अधिकारों को सशक्त बनाने में… pic.twitter.com/qphLMJwfgH— Mallikarjun Kharge (@kharge) January 3, 2026کانگریس کے آفیشل ایکس ہینڈل پر بھی ساوتری بائی پھولے کو خراجِ تحسین پیش کیا گیا۔ پارٹی کی جانب سے کہا گیا کہ ساوتری بائی پھولے نے ذات پات اور صنفی تفریق کی رکاوٹوں کو چیلنج کیا، لڑکیوں کے لیے تعلیم کے دروازے کھولے اور جرات، ہمدردی اور انقلابی نظریات کے ذریعے سماجی اصلاح کی مضبوط بنیاد رکھی۔ پوسٹ میں اس بات پر زور دیا گیا کہ ان کی جدوجہد آج بھی ملک بھر میں سماجی اصلاح کی تحریکوں کو متاثر کر رہی ہے۔We salute Savitribai Phule, a pioneer of women’s education in India, who challenged caste and gender barriers, opened the doors of learning for girls, and laid the foundation for social reform through courage, compassion, and revolutionary thought. pic.twitter.com/uP2wRIMGd8— Congress (@INCIndia) January 3, 2026ساوتری بائی پھولے کا شمار جدید ہندوستان کی اولین سماجی مصلحین میں ہوتا ہے۔ وہ 1831 میں پیدا ہوئیں اور کم عمری میں سماجی کارکن جوتی راؤ پھولے سے ان کی شادی ہوئی۔ اس دور میں جب خواتین کی تعلیم کو معیوب سمجھا جاتا تھا، ساوتری بائی پھولے نے شدید مخالفت، سماجی دباؤ اور ذاتی مشکلات کے باوجود تعلیم کے چراغ کو روشن رکھا۔ انہوں نے نہ صرف لڑکیوں کے لیے اسکول قائم کیے بلکہ خود بھی تدریس کے عمل میں عملی طور پر شامل رہیں۔ساوتری بائی پھولے اور جوتی راؤ پھولے نے مل کر مہاراشٹر میں خواتین کے حقوق، تعلیم اور سماجی برابری کے لیے ایک منظم تحریک چلائی۔ ان کی کوششوں نے ذات پات پر مبنی امتیاز کو چیلنج کیا اور تعلیم کو سماجی تبدیلی کا موثر ذریعہ بنایا۔ آج ساوتری بائی پھولے کو ایک شاعرہ، سماجی مصلح اور تعلیم کی علمبردار کے طور پر یاد کیا جاتا ہے۔ ان کی وراثت نہ صرف خواتین بلکہ پورے سماج کے لیے برابری، انصاف اور انسانی وقار کے پیغام کی علامت ہے۔