نئی دہلی: بھارت میں کانگریس کی سینئر رہنما اور رکن پارلیمنٹ پرینکا گاندھی کے بیٹے کی منگنی کی خبریں حالیہ دنوں میں بڑے پیمانے پر سامنے آرہی تھیں، تاہم اب خود پرینکا گاندھی نے اس خبر کی تصدیق کر دی ہے۔بھارتی میڈیا رپورٹس کے مطابق پرینکا گاندھی نے انسٹاگرام پر ایک پوسٹ کے ذریعہ بتایا کہ ان کے بیٹے ریہان کی منگنی اویوا بیگ سے طے پائی ہے۔ انہوں نے واضح کیا کہ ریہان اور اویوا ایک دوسرے کو بچپن سے جانتے ہیں اور دونوں کے درمیان گہری دوستی رہی ہے۔قابل ذکر ہے کہ پرینکا، رابرٹ واڈرا کی اہلیہ ہیں۔ اس خاندانی تقریب کی خبر سامنے آنے کے بعد سیاسی و سماجی حلقوں میں مبارکبادوں کا سلسلہ شروع ہوگیا ہے۔بھارتی میڈیا رپورٹس کے مطابق راۂان نے اپنی سات سالہ دیرینہ دوست اوی وا بیگ (Aviva Baig) سے شادی کرنے کا فیصلہ کیا ہے، اس منگنی کو دونوں خاندانوں کی مکمل سپورٹ بھی حاصل ہے۔اوی وا بیگ کون ہیں؟اوی وا بیگ کا تعلق دہلی سے ہے، ان کے والد عمران بیگ بزنس مین ہیں اور والدہ نندیتا بیگ انٹیریر ڈیزائنر ہیں، پرینکا گاندھی اور نندیتا بیگ دوست ہیں جبکہ نندینا نے ہی کانگریس کے نئے ہیڈ کوارٹر اندرا بھون کا انٹیریر ڈیزائن کیا ہے۔دہلی کے معروف تعلیمی ادارے ماڈرن اسکول سے ابتدائی تعلیم حاصل کرنے کے بعد اوی وا بیگ نے او پی جندل گلوبل یونیورسٹی سے میڈیا کمیونیکیشن اور جرنلزم میں گریجویشن کی ڈگری حاصل کررکھی ہے۔مودی کے ’’400 پار‘‘ نعرے میں کیا راز چھپا ہے؟ پرینکا گاندھی نے بھانڈا پھوڑ دیاوہ نہ صرف ایک باصلاحیت فوٹوگرافر ہیں بلکہ پروڈیوسر بھی ہیں، اوی وا Atelier 11 نامی ایک تخلیقی اور فوٹوگرافی پروڈکشن اسٹوڈیو کی شریک بانی بھی ہیں جو کہ ملک بھر میں مختلف برانڈز، ایجنسیز اور کلائنٹس کے ساتھ کام کرتا ہے۔