Today: భారతీయ మహిళలకు బంగారం అంటే ఎంతో ఇష్టం. పసిడి ఆభరణాలు ధరించడం అనేది వందల ఏళ్ల నుంచి వస్తున్న సంప్రదాయం. బంగారం అనేది మహిళలకు మరింత అందాన్ని ఇస్తుందని భావిస్తారు. తమ ఒంటిపై ఎంత ఎక్కువ బంగారం ఉంటే అంత గౌరవంగా భావిస్తారు. వీలైనప్పుడల్లా ఏదో ఒక నగ కొంటూనే ఉంటారు. ఇక పెళ్లిళ్లు, శుభకార్యాలు, పండగల సమయంలో బంగారం కచ్చితంగా కొనుగోలు చేస్తుంటారు. దీంతో మన దేశంలో బంగారం వినియోగం భారీగా ఉంటుంది. ప్రతి ఏడాది టన్నుల కొద్ది పసిడి దిగుమతి అవుతుంటుంది. ప్రపంచంలోనే బంగారం ఎక్కువగా దిగుమతి చేసుకునే దేశాల్లో భారత్ రెండో స్థానంలో ఉండడం గమనార్హం. ఇటీవలి కాలంలో బంగారంపై పెట్టుబడులూ భారీగా పెరిగాయి. అయితే, గత 2025 సంవత్సరంలో పసిడి ధరలు ఏకంగా 70 శాతానికిపైగా పెరిగిన సంగతి తెలిసిందే. అమెరికా సుంకాలు, ఫెడ్ వడ్డీ రేట్లు, దేశాల మధ్య యుద్ధాలు వంటి అనేక కారణాలు విపరీతంగా పెరిగేందుకు కారణమయ్యాయి. క్రితం రోజు సైతం పసిడి ధరలు పెరిగి ఆందోళన కలిగించిన విషయం తెలిసిందే. అయితే ఈరోజు 22, 24 క్యారెట్ల గోల్డ్ రేట్ల వివరాలు తెలుసుకుందాం. అంతార్జాతీయ బులియన్ మార్కెట్లో పసిడి ధరలు ఈరోజు స్వల్పంగా పెరిగాయి. ఇవాళ స్పాట్ గోల్డ్ రేటు ఔన్సుకు 7 డాలర్ల మేర పెరిగింది. దీంతో ఔన్స్ గోల్డ్ ధర 4332 డాలర్ల స్థాయికి చేరి ట్రేడవుతోంది. ఇక స్పాట్ సిల్వర్ రేటు ఔన్సుకు 1.90 శాతం మేర పెరిగింది. దీంతో ఔన్స్ వెండి రేటు 72.82 డాలర్ల వద్ద ట్రేడవుతోంది. హైదరాబాద్‌లో బంగారం ధరలుహైదరాబాద్ బులియన్ మార్కెట్లో బంగారం ధరలు వరుసగా గత రెండు రోజుల పాటు పెరిగి ఈరోజు మళ్లీ తగ్గాయి. ఇవాళ 24 క్యారెట్ల గోల్డ్ రేటు 10 గ్రాములకు రూ.380 మేర దిగివచ్చింది. దీంతో తులం ప్యూర్ గోల్డ్ రేటు రూ.1,35,820 వద్దకు దిగివచ్చింది. ఇక 22 క్యారెట్ల ఆభరణాల బంగారం రేటు ఈరోజు రూ.350 మేర పడిపోయింది. దీంతో 10 గ్రాముల 916 బంగారం రేటు రూ.1,24,500 వద్దకు దిగివచ్చింది. రూ.3000 మేర తగ్గిన వెండిఇవాళ కిలో రూ.3000 మేర దిగివచ్చింది. దీంతో హైదరాబాద్ మార్కెట్లో వెండి ధర కిలోకు రూ.2,57,000 వద్దకు తగ్గి ట్రేడవుతోంది. ఇటీవలి కాలంలో రూ.2.80 లక్షలు దాటిన విషయం తెలిపిందే. రికార్డ్ గరిష్ఠాల వద్ద లాభాల స్వీకరణతో వెండి రేట్లు భారీగా తగ్గాయి. పైన చెప్పిన గోల్డ్, సిల్వర్ రేట్లు జనవరి 4వ తేదీ ఆదివారం ఉదయం 7 గంటల సమయానికి ఉన్నవి. అయితే, మధ్యాహ్నానికి బంగారం, వెండి రేట్లు మారవచ్చు. అలాగే పన్నులతో కలిపి లెక్కిస్తే ప్రాంతాలను బట్టి రేట్లు మారుతుంటాయి. కొనే ముందే తెలుసుకోవడం మంచిది.