واشنگٹن (03 جنوری 2026): امریکی حکام نے امریکی میڈیا کو تصدیق کر دی ہے کہ صدر ڈونلڈ ٹرمپ نے وینزویلا پر حملے کی منظوری دی۔امریکی حکام نے سی بی ایس نیوز کو بتایا کہ صدر ٹرمپ نے وینزویلا کے اندر مختلف مقامات، جن میں فوجی تنصیبات بھی شامل ہیں، پر حملوں کا حکم دیا۔یہ حملے خطے میں کئی مہینوں سے جاری امریکی فوجی تیاریوں کے بعد کیے گئے ہیں، جن کے تحت طیارہ بردار بحری جہاز یو ایس ایس جیرالڈ آر فورڈ اور متعدد دیگر جنگی بحری جہاز بحیرۂ کیریبین میں تعینات کیے گئے تھے۔ اور ٹرمپ انتظامیہ نے وینزویلا کے صدر نکولس مادورو کی حکومت کے خلاف اپنی مہم میں مزید شدت پیدا کی۔وینزویلا کے صدر نے امریکی حملے کی تصدیق کر دی، ملک میں ایمرجنسی کے نفاذ کا اعلانحالیہ ہفتوں میں امریکا نے وینزویلا کے قریب 2 تیل بردار جہاز ضبط کیے، 29 سے زائد کشتیوں پر مہلک حملے کیے، جن کے بارے میں انتظامیہ کا کہنا ہے کہ وہ منشیات لے جا رہی تھیں، اور اس مقام کو بھی نشانہ بنایا جسے صدر ٹرمپ نے ’’وہ ڈاک ایریا‘‘ قرار دیا جہاں کشتیوں پر منشیات لادی جاتی ہیں۔ٹرمپ انتظامیہ نے مادورو پر منشیات کی اسمگلنگ اور اُن گروہوں کے ساتھ کام کرنے کا الزام عائد کیا ہے جنھیں دہشت گرد تنظیمیں قرار دیا گیا ہے، تاہم مادورو ان الزامات کی تردید کرتے ہیں۔ کرسمس کی شام صدر ٹرمپ نے یہ بتانے سے انکار کیا کہ ان کا حتمی مقصد کیا ہے، لیکن خبردار کیا کہ اگر مادورو نے سختی دکھانے کی کوشش کی تو یہ آخری بار ہوگا کہ وہ کبھی سختی دکھا سکیں گے۔خیال رہے کہ مادورو نے اس ہفتے کہا کہ وہ منشیات کی اسمگلنگ، تیل اور مہاجرت کے معاملات پر امریکا کے ساتھ بات چیت کے لیے تیار ہیں، جہاں وہ چاہیں اور جب وہ چاہیں۔