SBI Life: భారతదేశంలోని అగ్రగామి లైఫ్ ఇన్సూరెన్స్ సంస్థల్లో ఒకటైన ఎస్‌బీఐ లైఫ్ ఇన్సూరెన్స్ (SBI Life Insurance) ఈ ఆర్థిక సంవత్సరం 2025-26లో జూన్ 30తో ముగిసిన తొలి త్రైమాసికంలో సత్తా చాటింది. సమీక్షా త్రైమాసికంలో రూ. 7,268 కోట్ల కొత్త వ్యాపార ప్రీమియంను నమోదు చేసింది. ఇది గతేడాది 2024ని తొలి త్రైమాసికంలో నమోదైన రూ. 7,033 కోట్ల కొత్త బిజినెస్ ప్రీమియం కంటే ఎక్కువ. ఇక రెగ్యులర్ ప్రీమియం గత సంవత్సరంతో పోల్చినట్లయితే 12 శాతం పెరిగింది. వ్యక్తిగత ప్రీమియం రూ. 165 కోట్లుగా ఉండగా.. మొత్తంగా వ్యక్తిగత కొత్త ప్రీమియం రూ.4,939 కోట్లకు చేరుకున్నట్లు తెలిపింది. గత సంవత్సరం ఇదే కాలంతో పోలిస్తే 4 శాతం వృద్ధి నమోదు చేసినట్లు తెలిపింది. ఇక కంపెనీ లాభదాయకత కూడా గణనీయంగా వృద్ధి సాధించింది. జూన్ 30తో ముగిసిన మొదటి త్రైమాసికానికి ఎస్‌బీఐ లైఫ్ నికర లాభం (Profit After Tax - PAT) రూ.594 కోట్లుగా నమోదు చేసింది. ఇది గత సంవత్సరం 2024లో ఇదే సమయంతో పోలిస్తే 14 శాతం వృద్ధి చెందింది. కంపెనీ మొత్తం ఆదాయం రూ.38,696 కోట్లుగా నమోదు చేసింది.ఇది నియంత్రణ అవసరమైన 1.50 కంటే ఎక్కువదా ఉండడం గమనార్హం. ఇక అసెట్స్ అండర్ మేనేజ్‌మెంట్ (AUM) జూన్ 30 రూ. 4,75,813 కోట్లకు చేరుకున్నాయని, గతడాది ఇదే త్రైమాసికంతో పోలిస్తే 15 శాతం పెరిగింది. ఇది జూన్ 30, 2024లో రూ.4,14,772 కోట్ల వద్ద ఉంది. ఎస్‌బీఐ లైఫ్ చేతిలోని ఆస్తుల్లో 60:40 నిష్పత్తిలో డెట్-ఈక్విటీ మిక్స్ ఉంది. ఇందులో 94 శాతం డెట్ పెట్టుబడులు, సావరిన్ ఇన్‌స్ట్రుమెంట్స్‌లో ఉన్నట్లు ఎస్‌బీఐ లైఫ్ తెలిపింది. ఈ కంపెనీ ప్రస్తుతం 3,23,838 మంది శిక్షణ పొందిన బీమా నిపుణులు, దేశవ్యాప్తంగా 1,146 కార్యాలయాలతో విస్తృత నెట్‌వర్క్‌ కలిగి ఉంది. వీటిలో బలమైన బ్యాంకాస్యూరెన్స్ ఛానెల్, కార్పొరేట్ ఏజెంట్లు, పాయింట్ ఆఫ్ సేల్ పర్సన్స్, బ్రోకర్స్, ఇన్సూరెన్స్ మార్కెటింగ్ కంపెనీలు, వెబ్ అగ్రిగేటర్లు ఉంటారు. త్రైమాసిక ఫలితాల్లోని ముఖ్యాంశాలుఐఆర్‌పీ 22.3 శాతం, వ్యక్తిగత ఎన్‌బీపీ 25 శాతం వాటాతో ప్రైవేట్ బీమా రంగంలో మార్కెట్ లీడర్‌గా కొనసాగుతోంది.వార్షిక ప్రీమియం ఈక్వివలెంట్ (APE) 9 శాతం పెరిగి రూ. 3,969 కోట్లుగా ఉంది.వ్యక్తిగత కొత్త వ్యాపార సమ్ అష్యూర్డ్ 73 శాతం పెరిగిన రూ.66,631 కోట్లుగా నమోదైంది.వాల్యూ ఆఫ్ న్యూ బిజినెస్ (VoNB) 12 శాతం వృద్ధితో రూ.1,088 కోట్లు.పన్ను తర్వాత లాభం 14 శాతం పెరిగి రూ. 594 కోట్లు.సాల్వెన్సీ నిష్పత్తి 1.96అసెట్స్ అండర్ మేనేజ్‌మెంట్ (AUM) రూ.4,75,813 కోట్లు.