തിരുവനന്തപുരം | സ്‌കൂള്‍ സമയമാറ്റത്തെ ഭൂരിഭാഗം രക്ഷിതാക്കളും പിന്തുണച്ചുവെന്ന് സംസ്ഥാന സര്‍ക്കാര്‍ നിയോഗിച്ച വിദഗ്ധസമിതിയുടെ റിപ്പോര്‍ട്ട്. അക്കാദമിക് കലണ്ടര്‍ തയ്യാറാക്കാന്‍ നിയോഗിച്ച വിദഗ്ധസമിതിയുടെ റിപ്പോര്‍ട്ട് പുറത്തുവന്നു.അനാവശ്യ അവധികള്‍ കുറയ്ക്കണമെന്ന് സര്‍വേയില്‍ പങ്കെടുത്ത 41 ശതമാനം രക്ഷിതാക്കളും അഭിപ്രായപ്പെട്ടതായി റിപ്പോര്‍ട്ട് പറയുന്നു. പഴയ സ്‌കൂള്‍ സമയത്തെ അനുകൂലിച്ചത് ആറ് ശതമാനം പേര്‍ മാത്രമാണെന്നും സ്‌കൂള്‍ ദിവസങ്ങള്‍ പരമാവധി ഉപയോഗപ്പെടുത്തണമെന്നും ഭൂരിഭാഗം പേരും അഭിപ്രായപ്പെട്ടു. അവധി പുനഃപരിശോധിക്കുന്നത് അനുകൂലിച്ചത് 0.6 ശതമാനം മാത്രമാണ്. പഠന ദിവസങ്ങള്‍ കൂട്ടുന്നത് 87.2 ശതമാനം പൊതുജനങ്ങളും എതിര്‍ത്തു.ഫെബ്രുവരി മുതല്‍ ഏപ്രില്‍ 10 വരെ നടത്തിയ പഠന റിപ്പോര്‍ട്ടാണ് പുറത്ത് വന്നത്. വയനാട്, പാലക്കാട്, ആലപ്പുഴ, തിരുവനന്തപുരം, കാസര്‍കോട്, മലപ്പുറം എന്നീ ആറു ജില്ലകളിലാണ് പഠനം നടത്തിയത്.വിദ്യാര്‍ഥികള്‍ക്കും അധ്യാപകര്‍ക്കും രക്ഷിതാക്കള്‍ക്കും ഇടയിലാണ് സര്‍വേ നടത്തിയിരിക്കുന്നത്. 819 അധ്യാപകര്‍, 520വിദ്യാര്‍ഥികള്‍,156 രക്ഷിതാക്കള്‍ എന്നിവരാണ് സര്‍വേയില്‍ പങ്കെടുത്തത്. 4490 പൊതുജനങ്ങളും സര്‍വേയില്‍ പങ്കെടുത്തു.