Top 10 Companies Market Cap: స్టాక్ మార్కెట్లలో చాలా మంది పెట్టుబడులు పెడుతుంటారు. ఇక్కడ రిస్క్ ఉన్నప్పటికీ.. దీర్ఘకాలంలో మంచి లాభాలు అందిస్తాయని నిపుణులు చెబుతుంటారు. ఇక స్టాక్ మార్కెట్ సూచీలు అప్పటికప్పుడు పెరగొచ్చు.. అప్పటికప్పుడు తగ్గొచ్చు.. ఎన్నో అంశాలు దీనిని ప్రభావితం చేస్తుంటాయి. అంతర్జాతీయ అంశాలు, ద్రవ్యోల్బణం, రాజకీయ భౌగోళిక ఉద్రిక్తతలు, జీడీపీ వృద్ధి రేటు, ఆర్బీఐ నిర్ణయాలు, ఆయా కంపెనీల ప్రకటనలు ఇలా అన్నీ ప్రభావితం చేస్తుంటాయని చెప్పొచ్చు. అయితే కార్పొరేట్ కంపెనీల త్రైమాసిక ఫలితాలు నిరాశపరుస్తుండటం, అంతర్జాతీయంగా అనిశ్చితి నేపథ్యంలో.. గత వారం భారత స్టాక్ మార్కెట్లు ఎక్కువగా నష్టాల్లోనే ఉన్నాయి. బొంబాయి స్టాక్ ఎక్స్చేంజి సూచీ సెన్సెక్స్ గత వారం 742.74 పాయింట్లు లేదా 0.90 శాతం పతనమైంది. ఈ క్రమంలోనే పెద్ద పెద్ద కంపెనీల షేర్లు పడిపోగా.. దానికి అనుగుణంగానే వాటి మార్కెట్ విలువ కూడా భారీగా పడిపోతూ వచ్చింది. ఈ బీఎస్ఈ లిస్టెడ్ కంపెనీల మార్కెట్ విలువనే ఇన్వెస్టర్ల సంపదగా పరిగణిస్తుంటారు. ఇందులో టాప్- 10 కంపెనీల్లో చూసినట్లయితే.. దాదాపు 6 కంపెనీల విలువనే రూ. 94 వేల కోట్లకుమించి తగ్గడం ఆందోళన కలిగిస్తోంది. ఇందులో మిగిల్చింది. టీసీఎస్ మార్కెట్ వాల్యుయేషన్ రూ. 27,334.65 కోట్లు తగ్గి రూ. 11.54 లక్షల కోట్లకు దిగొచ్చింది. మరోవైపు మార్కెట్ విలువ పరంగా దేశంలోనే అతిపెద్ద కంపెనీ, రూ. 24 వేల కోట్లకుపైగా తగ్గి రూ. 19.98 లక్షల కోట్లకు పడిపోయింది. అతిపెద్ద ప్రైవేట్ రంగ బ్యాంకు.. హెచ్‌డీఎఫ్‌సీ హెచ్‌డీఎఫ్‌సీ బ్యాంక్ మార్కెట్ క్యాపిటలైజేషన్ రూ. 20,051.59 కోట్లు తగ్గి రూ. 15,00,917.42 కోట్లకు చేరుకుంది. భారతీ ఎయిర్‌టెల్ మార్కెట్ విలువ రూ. 11,888.89 కోట్లు తగ్గి రూ. 10,83,998.73 కోట్లకు చేరుకుంది. హిందుస్థాన్ యూనిలీవర్ విలువ రూ. 7,330.72 కోట్లు తగ్గి రూ. 5,84,789.77 కోట్లకు చేరుకుంది. రెండో అతిపెద్ద ఐటీ కంపెనీ ఇన్ఫోసిస్ మార్కెట్ క్యాపిటలైజేషన్ రూ. 3,468.82 కోట్లు తగ్గి రూ. 6,59,096.12 కోట్లకు చేరుకుంది. ఇదే సమయంలో టాప్- 10 లో 4 కంపెనీల మార్కెట్ విలువ పెరిగింది. ఇందులో అతిపెద్ద ప్రభుత్వ రంగ బ్యాంకు.. స్టేట్ బ్యాంక్ ఆఫ్ ఇండియా మార్కెట్ విలువ రూ. 13 వేల కోట్లకుపైగా పెరిగి రూ. 7.34 లక్షల కోట్లకు చేరింది. బజాజ్ ఫైనాన్స్ మార్కెట్ విలువ రూ. 5 వేల కోట్లకుపైగా పెరగి రూ. 5,85,292.83 కోట్లకు చేరుకుంది. ఐసీఐసీఐ బ్యాంకు విలువ రూ. 3,095 కోట్లు పెరిగి వాల్యుయేషన్ రూ. 10,18,008.73 కోట్లకు చేరుకుంది. రూ. 506 కోట్లు పెరిగి రూ. 5,83,828.91 కోట్లకు చేరుకుంది.