సంగారెడ్డి జిల్లాలో ఓ హోంగార్డు నుంచే చేసుకున్న సంఘటన తీవ్ర చర్చనీయాంశంగా మారింది. జిల్లా కోర్టులో ఓ ఉన్నతాధికారి వద్ద విధుల్లో ఉన్న కొమ్ముల రాజు అనే హోంగార్డు, శనివారం రాత్రి కంది ప్రాంతంలో గంజాయి ప్యాకెట్లతో బైక్ వద్ద నిలబడి ఉండగా.. స్థానికులు గమనించి పోలీసులకు సమాచారం అందించారు. ఈ ఘటన శాంతిభద్రతల పరిరక్షణలో ఉండాల్సిన వారిలోనూ కొందరు ఇలాంటి అక్రమ కార్యకలాపాలకు పాల్పడుతున్నారనే విషయాన్ని స్పష్టం చేసింది. పోలీసులు తక్షణమే ఘటనా స్థలానికి చేరుకొని.. కొమ్ముల రాజు నుంచి 800 గ్రాముల గంజాయిని స్వాధీనం చేసుకున్నారు. దీని విలువ సుమారు రూ.80,000 ఉంటుందని పోలీసులు అంచనా వేశారు. సాధారణంగా అరికట్టాల్సిన హోంగార్డు ఇలా గంజాయి వ్యాపారంలో పట్టుబడటం పోలీసు శాఖలో కలకలం రేపింది. ఈ ఘటనపై పోలీసులు కేసు నమోదు చేసి దర్యాప్తు చేపట్టారు. ప్రాథమిక విచారణలో కొమ్ముల రాజు ఈ గంజాయిని ఎక్కడి నుంచి తెచ్చాడు. ఎవరికి విక్రయించడానికి ప్రయత్నిస్తున్నాడు..? ఈ అక్రమ రవాణాలో ఇంకెవరైనా ఉన్నారా అనే కోణాల్లో పోలీసులు లోతుగా దర్యాప్తు చేస్తున్నారు. సంఘటిత నేరాల ముఠాలతో అతనికి ఏమైనా సంబంధాలు ఉన్నాయా అనే కోణంలోనూ విచారణ కొనసాగుతోంది. ఈ తరహా ఘటనలు , జవాబుదారీతనంపై ప్రశ్నలు లేవనెత్తుతున్నాయి. ఇలాంటి ఘటనలు సాధారణ ప్రజల్లో పోలీసులపై ఉన్న నమ్మకాన్ని సన్నగిల్లేలా చేస్తాయి. మాదకద్రవ్యాల నివారణలో సవాళ్లు..సంగారెడ్డి జిల్లాలో వెలుగుచూసిన ఈ ఘటన, తెలంగాణ రాష్ట్రంలో గంజాయి, ఇతర మాదకద్రవ్యాల అక్రమ రవాణా ఎంతవరకు విస్తరించిందో మరోసారి చాటి చెప్పింది. విద్యాసంస్థల పరిసరాల్లో, యువతను లక్ష్యంగా చేసుకుని డ్రగ్స్ వ్యాపారం జరుగుతున్న అనేక కేసులు గతంలోనూ నమోదయ్యాయి. ప్రభుత్వం గంజాయి సాగు.. రవాణాను అరికట్టడానికి ఆపరేషన్ పరివర్తన్ వంటి కార్యక్రమాలను చేపట్టినప్పటికీ, ఇలాంటి సంఘటనలు ఇంకా జరుగుతూనే ఉన్నాయి. ప్రభుత్వం.. పోలీసు శాఖ ఈ ఘటనను సీరియస్‌గా తీసుకొని.. హోంగార్డు రాజు వెనుక ఉన్న ముఠాలను గుర్తించి కఠినంగా శిక్షించాలి. అంతేకాకుండా.. పోలీసు, హోంగార్డు సిబ్బందిలో ఇలాంటి అక్రమాలకు పాల్పడుతున్న వారిపై నిఘా పెట్టి, నిరంతర తనిఖీలు, పటిష్టమైన చర్యలు తీసుకోవడం ద్వారా ఇలాంటి ఘటనలు పునరావృతం కాకుండా చూడాలని ప్రజలు కోరుతున్నారు. యువతను మాదకద్రవ్యాల బారి నుంచి రక్షించడానికి అవగాహన కార్యక్రమాలు, డ్రగ్స్ వ్యసనానికి గురైన వారికి పునరావాస కేంద్రాల ఏర్పాటు వంటి చర్యలు మరింత విస్తృతంగా చేపట్టాల్సిన అవసరం ఉంది.