പത്തനംതിട്ട | നിരോധിത പുകയില ഉത്പന്നങ്ങളുമായി ആസാം സ്വദേശി അടൂരില്‍ അറസ്റ്റില്‍. ആസാം ബാര്‍പെട്ട ചേട്ടമിരി ബീല്‍ നാഗോണ്‍ ആഷിഖുല്‍ ഇസ്ലാം (19) ആണ് അടൂര്‍ കെ എസ് ആര്‍ ടി സി സ്ററാന്‍ഡില്‍ വച്ച് പിടിയിലായത്. ഇളമണ്ണൂര്‍ പൂതംകര പ്ലൈവുഡ് സ്ഥാപത്തിലെ തൊഴിലാളിയാണ്.പെരുമ്പാവൂരില്‍ നിന്നും കെ എസ് ആര്‍ ടി സി ബസില്‍ കടത്തിക്കൊണ്ട് വന്നതാണ് നിരോധിക പുകയില ഉത്പന്നങ്ങളെന്ന് ചോദ്യം ചെയ്യലില്‍ വ്യക്തമായി. എസ് ഐ ഡി സുനില്‍ കുമാറിന്റെ നേതൃത്വത്തിലാണ് പ്രതിയെ പിടികൂടിയത്. പട്രോളിംഗ് ഡ്യൂട്ടിക്കിടെ സംശയം തോന്നി തടഞ്ഞു നിര്‍ത്തി ബാഗ് പരിശോധിച്ച് നോക്കിയതില്‍ ശിഖാര്‍ പാന്മസാല എന്നയിനം നിരോധിത പുകയില ഉത്പന്നങ്ങള്‍ കണ്ടെടുത്തു. വില്‍പ്പനക്കായി കൈവശം സൂക്ഷിച്ചതാണെന്ന് ചോദ്യം ചെയ്യലില്‍ ബോധ്യപ്പെട്ടതിനെതുടര്‍ന്ന് അറസ്റ്റ് ചെയ്തു. എസ് എച്ച് ഓ ശ്യാം മുരളി, സി പി ഓ ബൈജു എന്നിവര്‍ പോലീസ് സംഘത്തില്‍ ഉണ്ടായിരുന്നു.