బిగ్‌బాస్ సీజన్ 8 విన్నర్ నిఖిల్ మలియక్కల్ మాజీ ప్రేయసి కావ్యశ్రీ తాజాగా సర్కార్ 5 షోకి గెస్టుగా వచ్చింది. సుడిగాలి సుధీర్ హోస్ట్ చేస్తున్న ఈ షో లేటెస్ట్ ఎపిసోడ్‌కి సంబంధించిన ప్రోమో వచ్చింది. ఇందులో కావ్య హైలెట్ అయింది. సీరియల్ బ్యూటీలు దీపిక రంగరాజు (బ్రహ్మముడి కావ్య), కావ్యశ్రీ, కృతిక, భావన లాస్య ఈ ఎపిసోడ్‌కి వచ్చారు. ఇందుకు సంబంధించిన ప్రోమోలో కావ్య హైలెట్ అయింది. ఈ ప్రోమోపై ఓ లుక్కేద్దాం.సుధీర్‌తోనే పులిహోరవచ్చీ రావడంతోనే సుధీర్‌తో కలిసి "కొత్తకొత్తగా ఉన్నదే.. స్వర్గం ఇక్కడే అన్నదే" పాటకి సూపర్ స్టెప్పులేసింది కావ్య. దీంతో ఏం స్టెప్పులెయ్యాలి ఏంటా అని ఆలోచించేలోపే మొత్తం ఇరగ్గొట్టి అవతల పెట్టారు మీరు.. అంటూ కావ్యతో అన్నాడు సుధీర్. దీనికి మీరు పక్కన ఉన్నారు కాబట్టే నేను అలా చేయగలిగాను.. అంటూ భలే బిస్కెట్ వేసింది కావ్య. వెంటనే బ్యాక్ గ్రౌండ్‌లో లడ్డూ కావాలా నాయనా అంటూ డైలాగ్ రాగానే సుధీర్ నవ్వుకున్నాడు.ఇంకొక సాంగ్‌కి కూడా మీతో డ్యాన్స్ చేస్తే బావుటుంది అనిపిస్తుంది.. అని సుధీర్ అనడంతో మీతో డ్యాన్స్ చేయనని ఏ అమ్మాయి అంటుంది.. అంటూ కావ్య మళ్లీ పులిహోర కలిపేసింది. దీంతో మరో లడ్డూ కావాలా నాయనా అంటూ బ్యాక్ గ్రౌండ్‌ వాయిస్ వచ్చింది. ఇక మళ్లీ డ్యాన్స్ చేసిన తర్వాత సుధీర్ ఓ ప్రశ్న అడిగాడు. నాకు అసలు మాములుగా అమ్మాయిలు ఎందుకు పడరు చెప్పండి.. అని సుధీర్ అడిగాడు. దీనికి మీరు ఊ అంటే క్యూలో ఉంటారు.. అంటూ కావ్య చెప్పింది. ఆ క్యూ ఎక్కడుందో తెలిస్తే నేనే వెళ్లేవాడిని.. అంటూ సుధీర్ కౌంటర్ ఇచ్చాడు.ఇలా ప్రోమోలో కావ్య హైలెట్ అయింది. ఇక కామెంట్ బాక్సులో సుధీర్-కావ్య డ్యాన్స్ సూపర్ అంటూ తెగ కామెంట్లు పెట్టారు. గతంలో గురించి మంచి కామెంట్లు వచ్చాయి. మరోవైపు ఈ ఎపిసోడ్‌కి దీపిక రంగరాజు కూడా రావడంతో అల్లరి మాములుగా లేదు. సాధారణంగానే కావ్య హైపర్ యాక్టివ్.. ఇక సుధీర్ పక్కనే ఉండటంతో చుక్కలు చూపించింది.ఎప్పుడూ. గతంలో ఫ్యామిలీ స్టార్స్ షోకి ఇలాగే వచ్చి సుధీర్‌ని ఊపిరాడకుండా చేసేసింది దీపిక. ఇప్పుడు మరోసారి అదే రిపీట్ చేసింది. అసలు దీపిక డ్యాన్స్ చేస్తుంటే వామ్మో అంటూ సుధీర్ తెగ భయపడ్డాడు.