: . నెలవారీ బిల్లులు కట్టడం దగ్గరి నుంచి ఆన్‌లైన్ షాపింగ్ వరకు.. ప్రయాణాల నుంచి వస్తువుల కొనుగోలు వరకు ఇలా ప్రతిదానికీ క్రెడిట్ కార్డులే వాడుతున్నారు. కొందరైతే, పెట్రోల్ కోసం ఒక కార్డు, కిరాణా సరుకుల కోసం మరొక కార్డు, షాపింగ్ కోసం ఒక కార్డు ఇలా ఒకటికి మించి క్రెడిట్ కార్డుల్ని వినియోగిస్తుంటారు. అయితే.. ఎక్కువ ఉండటం వల్ల ఆర్థిక లావాదేవీలు సులభతరం అవుతాయన్నది నిజమే అయినప్పటికీ.. వాటిని సమర్థంగా నిర్వహించడం తెలియకపోతే మాత్రం ఆర్థిక ఇబ్బందుల్లో కూరుకుపోయే ప్రమాదం ఉంది.ఒకటి కంటే ఎక్కువ క్రెడిట్ కార్డులు ఉన్నవారు కొన్ని కీలక జాగ్రత్తలు పాటించాలి. లేకపోతే, ఆర్థిక సౌలభ్యం కాస్తా తలనొప్పిగా మారొచ్చు. అందుకోసం కొన్ని విషయాల్ని గుర్తుంచుకోవాలి. >> ఎక్కువ కార్డులు ఉంటే.. మీరు తెలియకుండానే ఎక్కువ ఖర్చు చేసే అవకాశం ఉంటుంది. దీంతో ప్రతి నెలా పెద్ద మొత్తంలో బిల్లులు చెల్లించాల్సి వస్తుంది. బిల్లులను సకాలంలో కట్టకుంటే.. ఏకంగా 42 శాతం వరకు వార్షిక వడ్డీ భారం పడుతుంది. ఇది మీ ఆర్థిక పరిస్థితిని తీవ్రంగా దెబ్బతీస్తుంది.>> ఒక్కో కార్డుకు ఒక్కో బిల్లు చెల్లింపు తేదీ ఉండొచ్చు. ఈ తేదీల్ని గుర్తుంచుకోలేకపోతే.. బిల్లు చెల్లింపులు మిస్ అయ్యే ప్రమాదం ఉంది. దీంతో లేట్ ఫీజులు కట్టాల్సి రావడమే కాకుండా, . కాబట్టి, ఎక్కువ కార్డులు ఉన్నవారు తప్పనిసరిగా ఆటోపేమెంట్ ఆప్షన్ ఎంచుకోవడం ఉత్తమం.>> కొన్ని క్రెడిట్ కార్డులకు వార్షిక రుసుములు ఉంటాయి. ఏడాదిలో నిర్దిష్ట మొత్తం ఖర్చు చేస్తే రెనివల్ ఫీజు నుంచి మినహాయింపు ఉంటుంది. ఎక్కువ కార్డులు ఉండటం వల్ల ఒక్కో కార్డుపై ఆ నిర్దిష్ట మొత్తాన్ని ఖర్చు చేయలేకపోవచ్చు. అప్పుడు అనవసరంగా ఫీజులు చెల్లించాల్సి వస్తుంది.>> ఎక్కువ క్రెడిట్ కార్డులు వాడేవారు అన్ని కార్డుల స్టేట్‌మెంట్లను ఎప్పటికప్పుడు చెక్ చేసుకోవాలి. ఏదైనా అనధికార లావాదేవీలు గుర్తిస్తే వెంటనే బ్యాంకుకు రిపోర్ట్ చేయాలి. అరుదుగా వాడే కార్డులుంటే మాత్రం.. వాటిని తాత్కాలికంగా బ్లాక్‌లో పెట్టడం ద్వారా అనధికార లావాదేవీలను నివారించొచ్చు.ఎన్ని కార్డులు ఉండాలి? ఒక వ్యక్తి ఎన్ని క్రెడిట్ కార్డులు ఉపయోగించాలనే దానికి ఒక రూల్ అంటూ ఏమీ లేదు. అత్యంత ముఖ్యమైన విషయం ఏంటంటే.. మీరు తీసుకున్న అప్పుల్ని.. బిల్లు బకాయిల్ని సమయానికి తిరిగి చెల్లించగలగాలి. ఆర్థిక నిపుణుల అభిప్రాయం ప్రకారం.. వేర్వేరు బ్రాండ్‌ల ఎక్కువ కార్డులకు బదులు.. రెండు కార్డులకు పరిమితం కావడం ఉత్తమం. దీనివల్ల నిర్వహణ సులభం అవుతుంది, ఆర్థిక క్రమశిక్షణ పాటించొచ్చు.ఒకవేళ మీరు మీ క్రెడిట్ కార్డుల్లో నుంచి ఒక దాన్ని రద్దు చేయాలనుకుంటే.. పాత కార్డుల జోలికి వెళ్లకపోవడమే మంచిది. మీ క్రెడిట్ హిస్టరీని మెరుగుపరచడంలో పాత కార్డులు కీలక పాత్ర పోషిస్తాయి. ఎందుకంటే, అవి మీ ఆర్థిక క్రమశిక్షణను ఎక్కువ కాలం చూపిస్తాయి. అలాగే, అధిక క్రెడిట్ లిమిట్ ఉన్న కార్డుల్ని మూసేయడం వల్ల మీ మొత్తం క్రెడిట్ పరిమితి తగ్గిపోతుంది. ఇది మీ యుటిలైజేషన్ రేషియోను పెంచి.. మీ క్రెడిట్ స్కోరును తగ్గించే ప్రమాదం ఉంటుంది. కాబట్టి, రద్దు చేసే ముందు ఈ విషయాలను పరిగణనలోకి తీసుకోవాలి.