ഓണം വാരാഘോഷത്തിന് സമാപനം കുറിച്ച് തിരുവനന്തപുരം നഗരത്തില്‍ നടന്ന സാംസ്‌ക്കാരിക ഘോഷയാത്രയില്‍ പങ്കെടുത്ത ഫ്ലോട്ടുകള്‍ക്കും കലാരൂപങ്ങള്‍ക്കുമുള്ള പുരസ്കാരങ്ങള്‍ പ്രഖ്യാപിച്ചു. കേന്ദ്രസര്‍ക്കാര്‍ സ്ഥാപന വിഭാഗത്തില്‍ ഒന്നാം സ്ഥാനം വി എസ് എസ് സിയുടെയും രണ്ടാം സ്ഥാനം തെരഞ്ഞെടുപ്പ് കമ്മീഷന്റെയും ഫ്ലോട്ടുകള്‍ക്ക് ലഭിച്ചു. സംസ്ഥാന സര്‍ക്കാര്‍ വകുപ്പുകളുടെ വിഭാഗത്തില്‍ ക്ഷീര വികസന വകുപ്പും മത്സ്യബന്ധന വകുപ്പും ഒന്നും രണ്ടും സ്ഥാനങ്ങള്‍ നേടി.സര്‍ക്കാരിതര സ്ഥാപന വിഭാഗത്തില്‍ ഒന്നാം സ്ഥാനം ശുചിത്വ മിഷൻ്റെയും രണ്ടാം സ്ഥാനം എനര്‍ജി മാനേജ്‌മെന്റ് സെന്ററിന്റെയും ഫ്ലോട്ടുകള്‍ സ്വന്തമാക്കി. തദ്ദേശ സ്വയംഭരണ സ്ഥാപനങ്ങളുടെ വിഭാഗത്തില്‍ തിരുവനന്തപുരം കോര്‍പ്പറേഷനും തിരുവനന്തപുരം ജില്ലാ പഞ്ചായത്തുമൊരുക്കിയ ഫ്ലോട്ടുകള്‍ക്ക് യഥാക്രമം ഒന്നും രണ്ടും സ്ഥാനങ്ങള്‍ ലഭിച്ചു. പൊതുമേഖലാ സ്ഥാപനങ്ങളുടെ വിഭാഗത്തില്‍ കെല്‍ട്രോണും കേരള വാട്ടര്‍ അതോറിറ്റിയും ഒന്നും രണ്ടും സ്ഥാനങ്ങള്‍ നേടി. ബാങ്കിങ് മേഖലയില്‍ കേരള ബാങ്കും നബാര്‍ഡും ഒന്നും രണ്ടും സ്ഥാനം സ്വന്തമാക്കി.Read Also: നമ്മുടെ മഹത്തായ എല്ലാ കൂട്ടായ്മകളെയും നേട്ടങ്ങളെയും തകര്‍ക്കാന്‍ ശ്രമിക്കുന്ന സങ്കുചിത ശക്തികള്‍ക്കുള്ള മറുപടിയാണ് ഇത്തവണത്തെ ഓണാഘോഷങ്ങള്‍; മുഖ്യമന്ത്രിദൃശ്യകലാരൂപങ്ങളുടെ വിഭാഗത്തില്‍ ഝാര്‍ഖണ്ഡിലെ ഗ്രാമീണരുടെ തനത് നൃത്തവും ഉത്തര്‍പ്രദേശിലെ തനത് നൃത്തവും യഥാക്രമം ഒന്നും രണ്ടും സ്ഥാനങ്ങള്‍ നേടി. ആഫ്രിക്കന്‍ ബാന്റിന്റെ മഹീയത്തിനും ഹൈനസ് സംസ്‌കരിക സമിതിയുടെ ശിങ്കാരിമേളത്തിനും ചെറിയ കലാരൂപങ്ങളുടെ വിഭാഗത്തിലെ പുരസ്‌കാരവും ലഭിച്ചു. വിജയികള്‍ക്കുള്ള സമ്മാനം ഓണം വാരാഘോഷത്തിന്റെ സമാപന വേദിയില്‍ ടൂറിസം പൊതുമരാമത്ത് മന്ത്രി പി എ മുഹമ്മദ് റിയാസ് വിതരണം ചെയ്തു.The post തലസ്ഥാനത്തെ സാംസ്‌കാരിക ഘോഷയാത്ര: ക്ഷീര വികസന, ഫിഷറീസ് വകുപ്പുകളുടെ ഫ്ലോട്ടുകള്‍ക്ക് പുരസ്‌കാരം appeared first on Kairali News | Kairali News Live.