اُدھو ٹھاکرے کی قیادت والی شیو سینا (یو بی ٹی) کے رہنما اور رکن پارلیمنٹ سنجے راؤت نے ہندوستان اور پاکستان کے درمیان ہونے والے کرکٹ میچ پر اپنی سخت ناراضگی کا اظہار کیا ہے۔ ’ایشیا کپ 2025‘ کے تحت یہ میچ آئندہ 14 ستمبر کو کھیلا جانا ہے۔ اس بارے میں سنجے راؤت نے کہا کہ ان کی پارٹی اتوار کو ابوظبی میں ہونے والے ہند-پاک میچ کے خلاف ’سِندور رکشا مہم‘ چلائے گی۔ ساتھ ہی انھوں نے واضح لفظوں میں کہا کہ پاکستان کے ساتھ کرکٹ کھیلنا ’بھروسہ توڑنے‘ کے مترادف ہے۔पहलगाँव हमले में 26 माँ-बहनों का सिंदूर मिटा, उनका आक्रोश अभी थमा नहीं।⁰ऑपरेशन सिंदूर, जो आतंकी पाकिस्तान को तोड़ने के लिए शुरू हुआ, अभी खत्म नहीं हुआ।⁰फिर भी अबू धाबी में भारत-पाक क्रिकेट मैच खेला जा रहा है।(14th September)⁰बीजेपी मंत्रियों के बच्चे इसे देखने ज़रूर जाएँगे।… pic.twitter.com/tkQYMcb5nZ— Sanjay Raut (@rautsanjay61) September 11, 2025سنجے راؤت نے اس معاملے میں خاص طور سے بی جے پی وزراء کو ہدف تنقید بنایا۔ انھوں نے کہا کہ ’’بی جے پی وزراء کے بچے ضرور یہ میچ دیکھنے جائیں گے۔ یہ ملک سے غداری ہے۔‘‘ یہ تبصرہ شیوسینا یو بی ٹی لیڈر نے سوشل میڈیا پلیٹ فارم ’ایکس‘ پر کیا ہے۔اپنی پوسٹ میں سنجے راؤت ’سندور رکشا مہم‘ چلانے کا ذکر کیا ہے اور کہا ہے کہ ’’مہاراشٹر کی ہزاروں خواتین اس احتجاج میں شامل ہوں گی اور اپنے گھروں سے وزیر اعظم نریندر مودی کو ’سِندور‘ بھیجیں گی۔‘‘ پہلگام حملے کا ذکر کرتے ہوئے انہوں نے لکھا ہے کہ ’’ہندوستان کی طرف سے شروع کیا گیا ’آپریشن سِندور‘ اب بھی جاری ہے، لہٰذا پڑوسی ملک کے ساتھ کھیلوں کے تعلقات ناقابل قبول ہیں۔‘‘#WATCH | Mumbai: On India's match against Pakistan in Asia Cup 2025, Shiv Sena (UBT) MP Sanjay Raut says, "...We will protest against this India-Pakistan cricket match. Women will come on the streets and our campaign is 'Sindoor Raksha Abhiyan'...You said that water and blood… pic.twitter.com/G29yNfdNqk— ANI (@ANI) September 11, 2025راوت نے پی ایم مودی کو ان کا ایک بیان بھی یاد دلایا ہے۔ وہ کہتے ہیں کہ ’’آپ نے کہا تھا پانی اور خون ساتھ ساتھ نہیں بہہ سکتے۔ اگر پانی اور خون ساتھ ساتھ نہیں بہہ سکتے، تو خون اور کرکٹ ساتھ ساتھ کیسے چل سکتے ہیں؟… یہ غداری ہے، بے شرمی ہے۔‘‘ اس پوسٹ میں وہ سوال بھی پوچھتے ہیں۔ وہ لکھتے ہیں ’’میرا سوال بی جے پی سے ہے، حکومت سے نہیں۔ میرا سوال وشو ہندو پریشد، آر ایس ایس اور بجرنگ دل سے ہے۔ اس میں آپ کا کوئی کردار ہے یا نہیں؟‘‘اس سے قبل آج سپریم کورٹ نے 14 ستمبر کو دبئی میں ہونے والے ہند-پاک میچ کو منسوخ کرنے کا مطالبہ کرنے والی ایک عوامی مفاد کی عرضی پر فوری سماعت سے انکار کر دیا۔ عدالت نے میچ پر روک لگانے سے بھی انکار کیا۔ عرضی گزار نے دلیل دی تھی کہ میچ اتوار کو ہونے والا ہے اور اگر عرضی کو جمعہ تک فہرست میں شامل نہ کیا گیا تو یہ عرضی بے معنی ہو جائے گی۔ اس معاملے میں جسٹس جے کے ماہیشوری اور وجے بشنوی کی بنچ نے کہا کہ ’’اس اتوار کو میچ ہے، ہم اس میں کیا کر سکتے ہیں؟ رہنے دیجیے۔ میچ ہونا چاہیے۔‘‘