2025లో అప్ఘనిస్తాన్ శుభారంభం అందించింది. హాంకాంగ్ బౌలర్లు ఆరంభంలో రాణించినా ఆఖర్లో అజ్మతుల్లా బీభత్సంతో భారీ స్కోర్ సమర్పించుకున్నారు. బ్యాటింగ్‌లో కూడా అప్ఘన్ బౌలర్ల ధాటికి నిలువలేకపోయారు. ఆఖరి వరకూ క్రీజ్‌లో ఉన్నారు కానీ ఆలౌట్ మాత్రం కాకపోవడం విశేషం. గ్రూప్ బీలో అప్ఘన్ తొలి మ్యాచ్‌లో విజయం సాధించి టాప్ ప్లేస్‌కి చేరింది. అబుదాబి వేదికగా జరిగిన ఈ మ్యాచ్‌లో అప్ఘనిస్తాన్ టాస్ గెలిచి బ్యాటింగ్ ఎంచుకుంది. ఓపెనర్ గుర్భాజ్ తక్కువ పరుగులకే అవుటైన మరో ఓపెనర్ సెడికుల్లా అటల్ మాత్రం ఆఖరి వరకు నాటౌట్‌గా నిలిచి జట్టుకు భారీ స్కోర్ అందించాడు. మిడిలార్డర్‌లో నబీ కాసేపు మ్యాచ్‌ని నిలబెట్టాడు. ఆఖర్లో తన హిట్టింగ్‌తో ఏకంగా ఐదు సిక్సర్లు బాది అప్ఘనిస్తాన్‌కు భారీ స్కోర్ అందించాడు. ఓపెనర్ సెడికుల్లా అటల్ 52 బంతుల్లో ఆరు ఫోర్లు, మూడు సిక్సర్లతో క్లాస్ ఇన్నింగ్స్ ఆడి 73 పరుగులు చేయగా, నబీ 26 బంతుల్లో 3 ఫోర్లు, ఒక సిక్సర్‌తో 33 పరుగులు చేసి అవుటయ్యాడు. అజ్మతుల్లా 21 బంతులు ఆడి రెండు ఫోర్లు, ఐదు సిక్సర్లతో 53 పరుగులతో హాంకాంగ్ బౌలర్లపై విరుచుకుపడ్డాడు. దాంతో అప్ఘనిస్తాన్ 20 ఓవర్లలో 6 వికెట్ల నష్టానికి 188 పరుగులు చేసింది. భారీ స్కోర్ లక్ష్యంతో బరిలోకి దిగిన హాంకాంగ్ బ్యాటర్లు అప్ఘన్ బౌలర్లను ఎదుర్కోలేకపోయారు. కెప్టెన్ రషీద్ ఖాన్ ఏకంగా ఏడుగురు బౌలర్లతో బౌలింగ్ చేయించడం విశేషం. హాంకాంగ్ జట్టు బాబర్ హయాత్ ఒక్కడే 43 బంతుల్లో 39 పరుగులతో రాణించాడు. కెప్టెన్ యాసిమ్ 16 పరుగులు చేశాడు. మిగతా బ్యాటర్లంతా సింగిల్ డిజిట్‌కే పరిమితమవ్వడం విశేషం. దాంతో 20 ఓవర్లలో 9 వికెట్ల నష్టానికి 94 పరుగులు మాత్రమే చేయగలిగింది. అప్ఘనిస్తాన్ 94 పరుగుల తేడాతో భారీ విక్టరీని అందుకుంది.బ్యాటింగ్‌లో రాణించిన అజ్మతుల్లా రెండు ఓవర్లు వేసి కేవలం నాలుగు పరుగులు ఇచ్చి ఒక వికెట్ తీసుకున్నాడు. కెప్టెన్ రషీద్ ఖాన్, నూర్ అహ్మద్ తలో వికెట్ పడగొట్టారు. గుల్బాదిన్ నాయబ్ మూడు ఓవర్లలో కేవలం 8 పరుగులే ఇచ్చి రెండు వికెట్లు తీసుకోగా, ఫజల్ హక్ ఫరూఖీకి రెండు వికెట్లు దక్కాయి. ఆల్‌రౌండర్ షోతో అదరగొట్టిన అజ్మతుల్లాకి మ్యాన్ ఆఫ్ ది మ్యాచ్ దక్కింది.