سی پی رادھا کرشنن نے 10 ستمبر کو ہوئے نائب صدر کے انتخاب میں فتح حاصل کی تھی۔ اس عہدہ کے لیے ان کی حلف برداری 12 ستمبر، یعنی جمعہ کے روز ہونے والی ہے۔ اس سے عین قبل رادھا کرشنن نے مہاراشٹر کے گورنر عہدہ سے استعفیٰ دے دیا ہے۔ یہ استعفیٰ قبول بھی کر لیا گیا ہے اور گورنر عہدہ کی ذمہ داری دیگر کے حوالے بھی کر دی گئی ہے۔کانگریس نے نو منتخب نائب صدر سی پی رادھا کرشنن کو یاد دلائی ذمہ داریاں، ڈاکٹر سروپلی رادھا کرشنن کے الفاظ کا دیا حوالہموصولہ اطلاع کے مطابق صدر جمہوریہ دروپدی مرمو نے گجرات کے گورنر آچاریہ دیوورت کو مہاراشٹر کے گورنر کا اضافی چارج سونپا ہے۔ آچاریہ دیوورَت گجرات کی ذمہ داری کے ساتھ ساتھ اب مہاراشٹر کے گورنر کی ذمہ داری بھی سنبھالیں گے۔JUST IN | Acharya Devvrat, Governor of Gujarat, given additional charge of Maharashtra after C.P. Radhakrishnan's election as the Vice-President, @vinivdvc reports. pic.twitter.com/Zrd76daY9w— The Hindu (@the_hindu) September 11, 2025بہرحال، راشٹرپتی بھون کی طرف سے دی گئی جانکاری کے مطابق سی پی رادھا کرشنن 12 ستمبر کو نائب صدر عہدہ کا حلف لیں گے۔ اس عہدہ کے لیے ہوئے انتخاب میں این ڈی اے امیدوار رادھاکرشنن کو 452 ووٹ حاصل ہوئے تھے۔ ان کے حریف انڈیا بلاک کے امیدوار بی سدرشن ریڈی نے اس انتخاب میں 300 ووٹ حاصل کیے تھے۔ اس طرح رادھاکرشنن 152 ووٹوں سے فتحیاب ٹھہرائے گئے۔