لوک سبھا میں حزب اختلاف کے قائد راہل گاندھی نے بدھ کے روز اپنے پارلیمانی حلقہ رائے بریلی کے 2 روزہ دورے پر پہنچے۔ علاقے میں ایک تقریب کے مقام پر پہنچنے سے قبل صحافیوں سے بات چیت میں انھوں نے کہا کہ ’’ہمارا کلیدی نعرہ ’ووٹ چور، گدی چھوڑ‘ ہے، اور یہ پورے ملک میں پھیل چکا ہے۔ آنے والے وقت میں ہم اسے بار بار مزید اثرانداز طریقے سے ثابت کریں گے۔‘‘नेता विपक्ष श्री @RahulGandhi ने ऊंचाहार विधानसभा के बूथ कार्यकर्ताओं को संबोधित किया।कांग्रेस के कार्यकर्ताओं के ऊपर पार्टी की विचारधारा को जन-जन तक पहुंचाने की बहुत बड़ी जिम्मेदारी है, जो वे बखूबी निभा रहे हैं।हमें एकजुट होकर कांग्रेस के लिए काम करना है और देश में बदलाव… pic.twitter.com/eQk6502io6— Congress (@INCIndia) September 10, 2025ددولی میں ہرچند پور اسمبلی کے پارٹی کارکنان کے ساتھ ایک تقریب سے خطاب کرتے ہوئے راہل گاندھی نے مہاراشٹر اور کرناٹک میں ’ووٹ چوری‘ کے واقعات کا ذکر کیا۔ کانگریس لیڈر نے کہا کہ لوک سبھا انتخاب کے بعد ہوئے مہاراشٹر اور کرناٹک اسمبلی انتخابات میں ووٹ چوری کے واضح ثبوت موجود ہیں۔ ایک رپورٹ میں راہل گاندھی کے حوالے سے یہ بھی کہا گیا ہے کہ ’’مہاراشٹر میں کانگریس اور انڈیا بلاک لوک سبھا میں جیتا، پھر 4 ماہ بعد اسمبلی میں صفایا ہو گیا۔ جب ہم نے جانچ کی تو پتہ چلا کہ لوک سبھا انتخاب کے بعد تقریباً ایک کروڑ نئے ووٹرس الیکشن سسٹم میں شامل ہوئے تھے۔ ہمارے اور ہمارے ساتھیوں کے ووٹ وہی رہے، لیکن سبھی نئے ووٹ بی جے پی کو ملے۔‘‘'वोट चोर - गद्दी छोड़’ की बात आग की तरह फैल रही है, इसलिए BJP के लोग परेशान हो रहे हैं।थोड़ा वक्त दीजिए, देखिए आगे क्या होता है।: नेता विपक्ष श्री @RahulGandhi pic.twitter.com/w5d0mGLVxL— Congress (@INCIndia) September 10, 2025بی جے پی پر ووٹ چرانے کا الزام عائد کرتے ہوئے راہل گاندھی نے کہا کہ ایسے واقعات صرف بنگلورو یا مہاراشٹر تک ہی محدود نہیں ہے۔ اتر پردیش، ہریانہ، مدھیہ پردیش اور گجرات میں بھی یہی بڑے پیمانے پر ہوا ہے۔ دھیرے دھیرے ہم آپ کے سامنے سارے ثبوت پیش کر رہے ہیں۔ بہار میں اپنے حالیہ ’ووٹر ادھیکار یاترا‘ کا ذکر کرتے ہوئے راہل گاندھی نے دعویٰ کیا کہ وہاں بھی بے ضابطگیاں دیکھی گئیں۔ انھوں نے الزام عائد کیا کہ ’’کچھ لوگ تو زندہ ہیں، ان کے نام ووٹر لسٹ سے ہٹا دیے گئے ہیں۔ ریکارڈ میں انھیں زندہ نہیں مانا جا رہا ہے۔‘‘नेता विपक्ष श्री @RahulGandhi ने सदर विधानसभा के गोराबाजार चौराहे पर अशोक स्तंभ का अनावरण किया। रायबरेली, यूपी pic.twitter.com/9mnTJKDyCw— Congress (@INCIndia) September 10, 2025اس درمیان اتر پردیش کانگریس کے صدر اجئے رائے نے کہا کہ راہل گاندھی کے دورہ سے پارٹی کارکنان اور ریاستی عوام میں نیا جوش دیکھنے کو مل رہا ہے۔ انھوں نے کہا کہ ’’آج لوگوں میں جوش اور خوشی کی لہر ہے۔ ہمارے لیڈر نے ملک میں ہو رہی ووٹ چوری کا پوری طرح سے پردہ فاش کر دیا ہے۔ پورا ملک ان پر فخر محسوس کر رہا ہے۔‘‘ کانگریس کی ضلع یونٹ کے صدر پنکج تیواری نے بتایا کہ راہل گاندھی نے سب سے پہلے ہرچند پور میں پارٹی کے سابق عہدیداران کے ساتھ میٹنگ کی۔ اس کے بعد انھوں نے گورا بازار چوراہے پر اشوک ستون کا افتتاح کیا اور شہر کے ایک ہوٹل میں پرجاپتی طبقہ کے اراکین سے بات چیت کی۔ بعد ازاں راہل گاندھی منریگا کے تحت بنے ایک پارک کا جائزہ لینے کے لیے مولیہا مئو گاؤں گئے۔ بوقت شام انھوں نے اونچاہار اسمبلی حلقہ کے بوتھ سطح کے کارکنان سے ملاقات کی۔ انھوں نے یہ بھی مطلع کیا کہ اونچاہار واقع این ٹی پی سی مہمان خانہ میں وہ رات گزاریں گے۔ جمعرات کو وہ کانگریس لیڈران اور مختلف تنظیموں کے نمائندوں سے ملاقات کریں گے۔