ഹൃദയംമാറ്റിവെക്കൽ ശസ്ത്രക്രിയയ്ക്കായി ലിസി ഹോസ്പിറ്റലിലേക്ക് പോകുന്ന പതിമൂന്നുകാരിയെ കണ്ട് മന്ത്രി മുഹമ്മദ് റിയാസ്. കൊല്ലം റെയിൽവേ സ്റ്റേഷനിൽ വെച്ചാണ് മന്ത്രി മുഹമ്മദ് റിയാസ് പതിമൂന്നുകാരിയെയും കുടുംബത്തെയും കണ്ടത്. ഹൃദയസംബന്ധമായ അസുഖത്തെ തുടർന്ന് മൂന്ന് വർഷമായി ചികിത്സയിലായിരുന്നു പതിമൂന്നുകാരി.ഒരു നാടിൻറെയാകെ പിന്തുണയിലാണ് പതിമൂന്നുകാരിയ്ക്ക് ഹൃദയം മാറ്റിവെക്കുന്നത്. അനുയോജ്യമായ ഡോണറെ കിട്ടിയപ്പോൾ വൈകുന്നേരം 7 മണിക്കുള്ളിൽ ലിസി ഹോസ്പിറ്റലിലെത്താൻ നിർദ്ദേശിച്ചതിനെ തുടർന്നാണ് കുടുംബം വന്ദേഭാരത് ട്രെയിനിൽ പോകാൻ തീരുമാനിക്കുന്നത്. അതേ ട്രെയിനിൽ കൊല്ലത്ത് നിന്നും തൃശൂരിലേക്ക് പോകുന്ന മുഹമ്മദ് റിയാസ് കൊല്ലം റെയിൽവേ സ്റ്റേഷനിൽ വെച്ചാണ് കുട്ടിയെ കുറിച്ച് അറിയുന്നത്. ഉടനെ തന്നെ ആ കുടുംബത്തെ കാണുകയും ചികിത്സാവിവരങ്ങൾ ചോദിച്ച് മനസിലാക്കുകയും ചെയ്തു.ALSO READ: കൊച്ചി വാട്ടര്‍മെട്രോ മാതൃകയാക്കാൻ മുംബൈ മഹാനഗരവും; കെഎംആര്‍എല്‍ ഡിപിആര്‍ പഠനം ആരംഭിച്ചുഅഞ്ചല്‍ ഏരൂര്‍ സ്വദേശിയായ പെണ്‍കുട്ടിയെയാണ് എയര്‍ ആംബുലന്‍സ് ലഭിക്കാത്തതിനെ തുടര്‍ന്ന് വന്ദേഭാരതില്‍ എറണാകുളത്തെത്തിക്കുന്നത്. കൊച്ചി ലിസി ആശുപത്രിയിലാണ് ശസ്ത്രക്രിയ. കുട്ടിയുടെ ആരോഗ്യനില പരിശോധിച്ച ശേഷം ഇന്ന് രാത്രി തന്നെ ശസ്ത്രക്രിയ നടത്താനാണ് തീരുമാനം.The post കൂടെയുണ്ട്…; ഹൃദയം മാറ്റിവെക്കൽ ശസ്ത്രക്രിയയ്ക്കായി എറണാകുളത്തേക്ക് പോയ പതിമൂന്നുകാരിയെ റെയിൽവേ സ്റ്റേഷനിൽ വെച്ച് കണ്ട് മന്ത്രി മുഹമ്മദ് റിയാസ് appeared first on Kairali News | Kairali News Live.