തിരുവനന്തപുരം: സീസണിന് മുന്നോടിയായുള്ള തയ്യാറെടുപ്പിന്‍റ ഭാഗമായി പരിശീലന മത്സരത്തിനായി കേരള ക്രിക്കറ്റ് ടീം ഒമാനിലേക്ക്. ഐ.സി.സി റാങ്കിങ്ങില്‍ ഉള്‍പ്പെട്ട ഒമാന്‍ ദേശീയ ടീമുമായി കേരളം കളിക്കും. ഒമാനെതിരായ ടി20 പരിശീന മത്സരത്തിനുള്ള കേരള ക്രിക്കറ്റ് ടീം പ്രഖ്യാപിച്ചു. സാലി വിശ്വനാഥ് ആണ് ക്യാപ്റ്റന്‍. ഇന്ത്യൻ താരം സഞ്ജു വി സാംസണിന്‍റെ സഹോദരനാണ് സാലി സാംസൺ. കെസിഎൽ കിരീടം നേടിയ കൊച്ചി ബ്ലൂ ടൈഗേഴ്സ് ക്യാപ്റ്റനായിരുന്നു സാലി.Also Read മത്സരത്തിന് ശേഷം കൈകൊടുത്തില്ല: ഇന്ത്യക്കെതിരെ പരാതിയുമായി പാകിസ്ഥാൻ ടീംസെപ്തംബര്‍ 22 മുതല്‍ 25 വരെ മൂന്ന് മത്സരങ്ങള്‍ ആയിട്ടാണ് ക്രമീകരിച്ചിരിക്കുന്നത്. മത്സരത്തിന് മുന്നോടിയായിട്ടുള്ള ക്യാമ്പ് ഈ മാസം 16 മുതല്‍ 19 വരെ തൊടുപുഴ കെസിഎ സ്റ്റേഡിയത്തില്‍ വച്ച് നടക്കും. സെപ്തംബര്‍ 20 ന് കൊച്ചി അന്താരാഷ്ട്ര വിമാനത്താവളത്തില്‍ നിന്നും ടീം അംഗങ്ങള്‍ ഒമാനിലേയ്ക്ക് തിരിക്കും.അടുത്തിടെ സമാപിച്ച കേരള ക്രിക്കറ്റ് ലീഗിൽ മികച്ച പ്രകടനം കാഴ്ചവെച്ചവർ ടീമിൽ ഇടംനേടിയിട്ടുണ്ട്.ടീം അംഗങ്ങള്‍ : സാലി വിശ്വനാഥ്, കൃഷ്ണ പ്രസാദ്‌,വിഷ്ണു വിനോദ്, അജ്നാസ് എം, വിനൂപ് എസ് മനോഹരന്‍ , അഖില്‍ സ്കറിയ, സിബിന്‍ പി. ഗിരീഷ്‌, അന്‍ഫല്‍ പി.എം, കൃഷ്ണ ദേവന്‍ ആര്‍.ജെ , ജെറിന്‍ പി.എസ്, രാഹുല്‍ ചന്ദ്രന്‍,സിജോമോന്‍ ജോസഫ്, മുഹമ്മദ്‌ ആഷിക്, ആസിഫ് കെ.എം, അബ്ദുള്‍ ബാസിത് പി.എ, അര്‍ജുന്‍ എ.കെ, അജയഘോഷ് എന്‍.എസ്, കോച്ച് – അഭിഷേക് മോഹന്‍, മാനേജര്‍ – അജിത്കുമാര്‍The post കേരള ക്രിക്കറ്റ് ടീം ഒമാനിലേക്ക്; സാലി വിശ്വനാഥ് ക്യപ്റ്റൻ appeared first on Kairali News | Kairali News Live.