SCSS: పదవీ విరమణ చేసిన తర్వాత స్థిరమైన ఆదాయం, పెట్టుబడికి భద్రత కోరుకునే వృద్ధులకు '' (SCSS) అత్యుత్తమ ఎంపికగా నిలుస్తోంది. 2026 ఆర్థిక సంవత్సరానికి సంబంధించి ఈ పథకంలో ప్రభుత్వం కీలక మార్పులు చేసింది. ఆకర్షణీయమైన వడ్డీ రేట్లను అందిస్తోంది. కేంద్ర ప్రభుత్వం మద్దతు ఉన్న పథకం కావడంతో ఇందులో రిస్క్ ఉండదు, పైగా ఇతర సేవింగ్స్ పథకాల కంటే ఇందులో అధిక రాబడి లభిస్తుంది. బ్యాంక్ ఫిక్స్‌డ్ డిపాజిట్లతో (FD) పోలిస్తే ఇది చాలా ఎక్కువ. ఈ వడ్డీని ప్రతి మూడు నెలలకోసారి (త్రైమాసిక ప్రాతిపదికన) ఖాతాదారుల సేవింగ్స్ అకౌంట్‌లో జమ చేస్తారు. ఏప్రిల్, జూలై, అక్టోబర్, జనవరి నెలల మొదటి తేదీన ఈ వడ్డీ చెల్లింపులు జరుగుతాయి.పెట్టుబడి పరిమితిఒక వ్యక్తి ఈ పథకంలో గరిష్ఠంగా రూ. 30 లక్షల వరకు పెట్టుబడి పెట్టవచ్చు. గతంలో ఈ పరిమితి రూ. 15 లక్షలుగా ఉండేది, దానిని ప్రభుత్వం రెట్టింపు చేసింది. కనిష్ఠ పెట్టుబడి రూ. 1,000గా నిర్ణయించారు. అంటే వెయ్యి రూపాయలతోనూ ఈ ఖాతాను ప్రారంభించవచ్చు. ఈ పథకం కాలపరిమితి 5 ఏళ్లుగా ఉంటుంది. ఒకవేళ 5 ఏళ్ల తర్వాత కూడా ఈ పథకాన్ని కొనసాగించాలనుకుంటే, మరో 3 ఏళ్ల పాటు పొడిగించుకునే అవకాశం ఉంది.ఎవరు అర్హులు?60 ఏళ్లు నిండిన భారతీయ పౌరులు ఎవరైనా ఈ పథకంలో చేరవచ్చు. విఆర్ఎస్ (VRS) తీసుకున్న వారు 55 ఏళ్ల నుంచి 60 ఏళ్ల మధ్య కూడా కొన్ని షరతులతో ఈ ఖాతాను తెరవవచ్చు. పదవీ విరమణ చేసిన రక్షణ రంగ ఉద్యోగులకు 50 ఏళ్ల వయస్సు నుంచే ఈ పథకం వర్తిస్తుంది. వ్యక్తిగతంగా లేదా భార్యాభర్తలు కలిసి జాయింట్ అకౌంట్‌ను కూడా నిర్వహించవచ్చు.ఇందులో పెట్టే పెట్టుబడిపై ఆదాయపు పన్ను చట్టం సెక్షన్ 80C కింద ఏడాదికి రూ. 1.5 లక్షల వరకు మినహాయింపు పొందవచ్చు. ఈ పథకం ద్వారా వచ్చే వడ్డీ ఏడాదికి రూ. 50,000 దాటితే టీడీఎస్ (TDS) వర్తిస్తుంది. అయితే, మీ మొత్తం ఆదాయం పన్ను పరిమితి లోపు ఉంటే ఫామ్ 15H సమర్పించి టీడీఎస్ మినహాయింపు పొందవచ్చు. అత్యవసర పరిస్థితుల్లో ఖాతా తెరిచిన ఏడాది తర్వాత డబ్బును వెనక్కి తీసుకోవచ్చు. అయితే, ఏడాది తర్వాత విత్‌డ్రా చేస్తే 1.5 శాతం పెనాల్టీ, రెండేళ్ల తర్వాత అయితే 1 శాతం పెనాల్టీ విధిస్తారు.ఎంత పెట్టుబడికి ఎంతొస్తుంది?పెట్టుబడి మొత్తంప్రతి 3 నెలలకు వచ్చే వడ్డీ (రూ.లలో)5 ఏళ్లలో వచ్చే మొత్తం వడ్డీ (రూ.లలో)5 ఏళ్ల తర్వాత మెచ్యూరిటీ మొత్తం (రూ.లలో)రూ.5,00,00010,2502,05,0007,05,000రూ.10,00,00020,5004,10,00014,10,000రూ.15,00,00030,7506,15,00021,15,000రూ.20,00,00041,0008,20,00028,20,000రూ.30,00,00061,50012,30,00042,30,000సురక్షితమైన పెట్టుబడితో పాటు ప్రతి మూడు నెలలకోసారి స్థిరమైన ఆదాయం కావాలనుకునే సీనియర్ సిటిజన్లకు 2026లో కూడా SCSS మించిన పథకం మరొకటి లేదని ఆర్థిక నిపుణులు విశ్లేషిస్తున్నారు. తక్కువ రిస్క్, ఎక్కువ వడ్డీ, పన్ను ఆదా.. ఈ మూడూ కలగలిసిన ఈ పథకాన్ని పోస్టాఫీసుల్లో లేదా గుర్తింపు పొందిన బ్యాంకుల్లో సులభంగా ప్రారంభించవచ్చు.