Zero Tax Income Source in India: భారతదేశంలో పటిష్టమైన పన్ను వ్యవస్థ అమల్లో ఉంది. ఇక్కడ నిర్దిష్ట ఆదాయ పరిమితి దాటితే.. టాక్స్‌పేయర్లు ఐటీఆర్ ఫైల్ చేసి టాక్స్ చెల్లించాల్సి ఉంటుంది. ప్రస్తుతం పాత పన్ను విధానంలో ప్రాథమిక పన్ను మినహాయింపు పరిమితి రూ. 2.5 లక్షలుగా.. కొత్త పన్ను విధానంలో రూ. 4 లక్షలుగా ఉంది. ఇక సెక్షన్ 87A రిబేటుతో కొత్త పన్ను విధానంలో రూ. 12 లక్షల వరకు టాక్స్ చెల్లించాల్సిన పని లేదు. ఇంకా వేతన జీవులకు స్టాండర్డ్ డిడక్షన్ రూ. 75 వేలతో కలిపి రూ. 12.75 లక్షల వరకు ఆదాయంపై టాక్స్ పడదు. పాత పన్ను విధానంలో టాక్స్ రిబేటుతో కలిపి రూ. 5 లక్షల వరకు.. వేతన జీవులకు స్టాండర్డ్ డిడక్షన్ రూ. 50 వేలతో కలిపి రూ. 5.50 లక్షల వరకు ఆదాయంపై టాక్స్ ఉండదు. సాధరణంగా ఐటీ రిటర్న్స్ ఫైలింగ్ చేసేటప్పుడు అన్ని రకాల ఆదాయ వనరుల్ని వెల్లడించి.. వాటిపై పన్ను చెల్లించాల్సి ఉంటుంది. అయితే ఆదాయపు పన్ను చట్టం ప్రకారం.. దేశంలో కొన్ని రకాల ఆదాయాలపై ఎలాంటి టాక్స్ లేదు. అలాంటివి ఏమేం ఉన్నాయో చూద్దాం. పబ్లిక్ ప్రావిడెంట్ ఫండ్ (PPF)కేంద్ర ప్రభుత్వ గొప్ప పథకాల్లో ఒకటైన ఉండదు. ఇది ట్రిపుల్ టాక్స్ బెనిఫిట్స్‌ను కలిగి ఉంది. ఇక్కడ ఆదాయపు పన్ను చట్టంలోని సెక్షన్ 80c కింద ఆర్థిక సంవత్సరంలో గరిష్ఠంగా రూ. 1.50 లక్షల వరకు డిపాజిట్లపై పన్ను మినహాయింపు పొందొచ్చు. సుకన్య సమృద్ధి యోజన (SSY) కూడా టాక్స్ బెనిఫిట్స్ ఉన్నాయి. ఇక్కడ కూడా డిపాజిట్, వడ్డీ, మెచ్యూరిటీ రాబడిపై టాక్స్ పడదు. గరిష్ఠంగా ఆర్థిక సంవత్సరంలో రూ. 1.50 లక్షల వరకు టాక్స్ డిడక్షన్ వర్తిస్తుంది. టాక్స్ ఫ్రీ బాండ్స్..కేంద్ర ప్రభుత్వం ఇష్యూ చేసే కొన్ని రకాల బాండ్ల ద్వారా వచ్చే ఆదాయంపైనా టాక్స్ ఉండదు.గ్రాట్యుటీ..ప్రభుత్వ ఉద్యోగులు అందుకునే గ్రాట్యుటీ ప్రయోజనాలపై టాక్స్ వర్తించదు. ప్రైవేట్ ఉద్యోగులకు ఇక్కడ ఒక పరిమితి ఉంది. రూ. 20 లక్షల వరకు గ్రాట్యుటీపై టాక్స్ ఉండదు. వ్యవసాయ ఆదాయంఇన్‌కంటాక్స్ యాక్ట్- 1961 ప్రకారం.. వ్యవసాయ ఆదాయంపై టాక్స్ లేదు. ఇక్కడ ఎలాంటి గరిష్ఠ పరిమితి కూడా లేదు. ఇక్కడ పంట పండించడం, విక్రయించడం, వ్యవసాయ భూమి లీజుకు ఇవ్వడం ద్వారా వచ్చే ఆదాయంపై టాక్స్ ఉండదు. అయితే ఒక వ్యక్తికి వ్యవసాయ ఆదాయం సహా ఇతర ఆదాయ మార్గాలు ఉన్నట్లయితే పన్ను రేటు లెక్కించేందుకు వ్యవసాయ ఆదాయాన్ని కూడా పరిగణనలోకి తీసుకుంటారు. దీనినే పార్శియల్ ఇంటిగ్రేషన్ అంటారు. వ్యవసాయ ఆదాయం రూ. 5 వేలకు మించి ఉండి.. ఇతర ఆదాయం ప్రాథమిక పన్ను మినహాయింపు పరిమితి కంటే ఎక్కువగా ఉంటే.. అప్పుడు నేరుగా వ్యవసాయ ఆదాయంపై పన్ను పడకపోయినా మొత్తంగా చెల్లించే పన్ను పెరగొచ్చు. ఈపీఎఫ్ విత్‌డ్రా..వరుసగా ఐదేళ్లు అంతకంటే ఎక్కువ కాలం పని చేస్తున్న ఉద్యోగులకు.. . ఇక్కడ వడ్డీ, మెచ్యూరిటీ మొత్తంపైనా పాత, కొత్త పన్ను విధానంలో టాక్స్ లేదు. లైఫ్ ఇన్సూరెన్స్ పాలసీలు..ఇన్సూరెన్స్ పాలసీలపై వచ్చే మెచ్యూరిటీ మొత్తం లేదా మరణం సంభవించినప్పుడు అందుకునే ప్రయోజనాలపై టాక్స్ వర్తించదు. అయితే ప్రీమియం లిమిట్‌ను బట్టి ఇది మారుతుంటుంది. సమ్ అష్యూర్డ్‌లో ప్రీమియం 10 శాతం మాత్రం మించొద్దు. డెత్ బెనిఫిట్స్‌పై ఎలాంటి టాక్స్ ఉండదు. ఇక్కడ ఎలాంటి పరిమితి వర్తించదు. స్కాలర్‌షిప్స్..స్కాలర్ షిప్‌గా అందుకునే మొత్తం కూడా టాక్స్ రహితంగానే ఉంటుంది. ఇక్కడ కూడా ఎలాంటి పరిమితి అనేది లేదు. ఇది చదువుకు సంబంధించినది అయితేనే వర్తిస్తుందని గుర్తుంచుకోవాలి. గిఫ్ట్స్..తల్లిదండ్రులు, జీవిత భాగస్వామి, దగ్గరి బంధువులు లేదా వారసత్వంగా అందుకునే గిఫ్ట్స్‌పై టాక్స్ వర్తించదు. ఇతరుల నుంచి అందుకునే గిఫ్ట్స్‌కు సంబంధించి ఆర్థిక సంవత్సరంలో పరిమితి రూ. 50 వేలుగా ఉంది. విలువ ఆ మొత్తం దాటితే టాక్స్ చెల్లించాల్సి ఉంటుంది. వారసత్వంగా వచ్చే ఆస్తులు..భారత్‌లో వీలునామా కింద వారసత్వంగా వచ్చే ఆస్తులు పన్ను పరిధిలోకి రావు. వారసత్వ పన్ను అనేది ఏం లేదు. వాటిపై నేరుగా పన్ను పడకపోయినా.. దానిని విక్రయించడం ద్వారా వచ్చే లాభాలపై లేదా లీజుకు ఇవ్వడం ద్వారా మీకు ఆదాయం వస్తే దానిపై పన్ను చెల్లించాల్సి ఉంటుంది.