HDFC Bank: గత ఏడాది నుంచి ఫిక్స్‌డ్ డిపాజిట్లపై వడ్డీ రేట్లు వరుసగా తగ్గుతూ వచ్చాయి. ప్రస్తుతం చాలా బ్యాంకులు అత్యల్ప వడ్డీ రేట్లు ఆఫర్ చేస్తున్నాయి. ఇలాంటి తరుమంలో ప్రముఖ ప్రైవేట్ బ్యాంక్ హెచ్‌డీఎఫ్‌సీ బ్యాంక్ అదిరే శుభవార్త అందించింది. రూ.3 కోట్లలోపు ఉండే రిటైల్ సవరించిన కొత్త ఫిక్స్‌డ్ డిపాజిట్ వడ్డీ రేట్లను హెచ్‌డీఎఫ్‌సీ బ్యాంక్ మార్చి 6, 2026 నుంచే అమలులోకి తీసుకొచ్చినట్లు బ్యాంక్ తన అధికారిక వెబ్ సైట్లో పేర్కొంది. మరి కొత్త వడ్డీ రేట్లు ఎలా ఉన్నాయో తెలుసుకుందాం అంతకు ముందు 2025, డిసెంబర్ నెలలో హెచ్‌డీఎఫ్‌సీ బ్యాంక్ ఫిక్స్‌డ్ డిపాజిట్ వడ్డీ రేట్లను సవరించింది. అయితే అప్పుడు పలు టెన్యూర్లపై వడ్డీ రేట్లను తగ్గించింది. కానీ, రెండు నెలల వ్యవధిలోనే ఎంపిక చేసిన టెన్యూర్‌పై వడ్డీ రేటు పెంచుతూ నిర్ణయం తీసుకోవడం గమనార్హం. వడ్డీ రేట్ల సవరణ తర్వాత ఈ బ్యాంకులో 7 రోజుల నుంచి 10 ఏళ్ల ఎఫ్‌డీ వడ్డీ రేట్లు జనరల్ కస్టమర్లకు 2.75 శాతం నుంచి 6.50 శాతం వరకు ఉండగా సీనియర్ సిటిజన్లకు 3.25 శాతం నుంచి 7 శాతం మధ్య ఉన్నాయి. అంతకు ముందు జనరల్ కస్టమర్లకు 2.75 శాతం నుంచి 6.45 శాతం వరకు వడ్డీ ఇచ్చింది. అలాగే సీనియర్లకు 3.25 శాతం నుంచి 6.75 శాతం మధ్య వడ్డీ ఇచ్చింది. ఈ టెన్యూర్‌పైనే వడ్డీ పెంపు 3 ఏళ్ల 1 రోజు నుంచి 4 సంవత్సరాల 7 నెలలలోపు టెన్యూర్ గల డిపాజిట్లపై అత్యధిక వడ్డీ రేటు ఇస్తోంది. ఇప్పటి వరకు ఇందులో 6.40 శాతం వడ్డీ ఇస్తుండగా ఇక నుంచి 6.50 శాతం వడ్డీ కల్పిస్తున్నట్లు తెలిపింది. అలాగే ఇదే టెన్యూర్‌పై సీనియర్ సిటిజన్లకు వడ్డీ రేటును 6.90 శాతం నుంచి 7 శాతానికి పెంచింది. హెచ్‌డీఎఫ్‌సీ బ్యాంక్ లేటెస్ట్ ఎఫ్‌డీ రేట్లు7 రోజుల నుంచి 14 రోజులు, 15-29 రోజుల టెన్యూర్ డిపాజిట్లకు జనరల్ కస్టమర్లకు 2.75 శాతం వడ్డీ ఇస్తోంది. 30 రోజుల నుంచి 45 రోజులకు 3.25 శాతం, 46-60 రోజులు, 61-89 రోజులు, 90 రోజుల నుంచి 6 నెలలలోపు 4.25 శాతం వడ్డీ ఇస్తోంది. 6 నెలల 1 రోజు నుంచి 9 నెలలలోపు 5.50 శాతం, 9 నెలల 1 రోజు నుంచి ఏడాదిలోపు 5.75 శాతం వడ్డీ ఇస్తోంది. 1 ఏడాది నుంచి 15 నెలలోపు 6.25 శాతం, 15 నెలల నుంచి 18నెలల లోపు 6.35 శాతం వడ్డీ ఇస్తోంది. 18 నెలల నుంచి 21 నెలలోపు 6.45, 21 నెలల నుంచి 2 ఏళ్ల డిపాజిట్లకు 6.45 శాతం వడ్డీ ఇస్తోంది. 2 ఏళ్ల నుంచి 3 ఏళ్లలోపు డిపాజిట్లకు 6.45 శాతం, 3 ఏళ్ల 1 రోజు నుంచి 4 ఏళ్ల 7 నెలల డిపాజిట్లపై 6.50 శాతం వడ్డీ ఇస్తోంది. 55 నెలల డిపాజిట్లు, 4 ఏళ్ల 7 నెలల 1 రోజు నుంచి 5 ఏళ్లలోపు 6.40 శాతం వడ్డీ ఇస్తోంది. 5 ఏళ్ల 1 రోజు నుంచి 10 ఏళ్లలోపు డిపాజిట్లపై 6.15 శాతం వడ్డీ అందిస్తోంది.