ਮੱਧ ਪ੍ਰਦੇਸ਼ ਦੇ ਛਿੰਦਵਾੜਾ ਵਿੱਚ ਕਫ਼ ਸਿਰਪ ਪੀਣ ਨਾਲ ਗੁਰਦੇ (ਕਿਡਨੀ) ਵਿੱਚ ਸੰਕ੍ਰਮਣ ਕਾਰਨ ਬੱਚਿਆਂ ਦੀ ਮੌਤ ਦੇ ਮਾਮਲੇ ਵਿੱਚ ਐੱਮਪੀ ਐੱਸਆਈਟੀ ਨੇ ਵੱਡੀ ਕਾਰਵਾਈ ਨੂੰ ਅੰਜਾਮ ਦਿੱਤਾ ਹੈ। ਉਹਨਾਂ ਨੇ ਮੌਤ ਦੇ ਮਾਮਲੇ ਵਿੱਚ ਆਰੋਪੀ ਸ਼੍ਰੀਸਨ ਫਾਰਮਾਸਿਊਟੀਕਲ ਦੇ ਮਾਲਕ ਰੰਗਨਾਥਨ ਗੋਵਿੰਦਨ (Ranganathan Govindan) ਨੂੰ ਹਿਰਾਸਤ ਵਿੱਚ ਲੈ ਲਿਆ ਹੈ। ਛਿੰਦਵਾੜਾ ਐੱਸਪੀ ਅਜੇ ਪਾਂਡੇ ਨੇ ਦੱਸਿਆ ਕਿ ਇਹ ਕਾਰਵਾਈ 8 ਅਕਤੂਬਰ ਦੀ ਰਾਤ ਨੂੰ ਕੀਤੀ ਗਈ। ਗ੍ਰਿਫ਼ਤਾਰੀ ਤੋਂ ਬਾਅਦ ਐੱਮਪੀ ਐੱਸਆਈਟੀ ਟ੍ਰਾਂਜਿਟ ਰੀਮਾਂਡ ਤੇ ਆਰੋਪੀ ਨੂੰ ਮੱਧ ਪ੍ਰਦੇਸ਼ ਲਿਆਵੇਗੀ। ਛਿੰਦਵਾੜਾ ਵਿੱਚ ਖ਼ਰਾਬ ਕਫ਼ ਸਿਰਪ ਪੀਣ ਨਾਲ ਹੁਣ ਤੱਕ ਕੁੱਲ 20 ਬੱਚਿਆਂ ਦੀ ਮੌਤ ਹੋ ਚੁੱਕੀ ਹੈ। ਦੱਸਣਯੋਗ ਹੈ ਕਿ ਕੰਪਨੀ ਦੇ ਮਾਲਕ ਰੰਗਨਾਥਨ ਗੋਵਿੰਦਨ ਦੀ ਗ੍ਰਿਫ਼ਤਾਰੀ 'ਤੇ 20 ਹਜ਼ਾਰ ਰੁਪਏ ਦਾ ਇਨਾਮ ਘੋਸ਼ਿਤ ਸੀ।