سعودی عرب کی نئی قومی فضائی کمپنی ’ریاض ایئر‘ کی جانب سے اعلان سامنے آیا ہے کہ 26 اکتوبر 2025 سے پہلی پرواز ریاض سے لندن کے ہیتھرو ایئرپورٹ کے لیے روانہ ہوگی۔غیر ملکی خبر رساں ادارے کی رپورٹ کے مطابق ریاض سے لندن جانے والی پہلی پرواز ایک بوئنگ 787-9 تیکنیکی سپیئر طیارے کے ساتھ ریاض سے لندن کے ہیتھرو ایئرپورٹ کے لیے روانہ ہوگی۔واضح رہے کہ سعودی عرب کی نئی قومی ایئر لائن کا اعلان 2023 میں کیا گیا تھا جو سعودی پبلک انویسٹمنٹ فنڈ کی ملکیت ہے۔رپورٹس کے مطابق پہلے مرحلے کے آپریشنل پروگرام کے تحت سفر کرنے والوں میں ریاض ایئر کے ملازمین اور مخصوص گروپس کے لیے ٹکٹس فروخت کی جائیں گی تاکہ سروس کے معیار کو بہتر بنانے کے لیے تجرباتی مراحل کو مکمل کیا جا سکے۔ریاض کے کنگ خالد انٹرنیشنل ایئرپورٹ سے ریاض ایئر کی پہلی پرواز ’آر ایکس 401‘ علی الصبح سوا تین جو لندن کے ہیتھرو ایئرپورٹ ساڑھے سات پہنچے گی جبکہ واپسی کی پرواز ’آر ایکس 402‘ لندن کے وقت کے مطابق صبح ساڑھے نو اڑان بھرے گی جو ریاض کے وقت کے مطابق سوا سات پر لینڈ کرے گی۔سعودی عرب کی قومی ایئرلائن ‘سعودیہ’ آپریشنل سیفٹی اور کوالٹی میں بہترین قرارایئرلائن کی جانب سے لائیلٹی پروگرام ’سفیر‘ بھی شروع کیا گیا ہے۔ ابتدائی رجسٹریشن کرانے والے ممبران کو بکنگ کی سہولت و دیگر مراعات حاصل ہوں گی۔یاد رہے سعودی عرب کی جانب سے ریاض ایئر کو اپنے دوسرے فلیگ شپ کیریئر کے طور پر متعارف کرانا وژن 2030 کے مقاصد کے مطابق مملکت کی تیزی سے عالمی سیاحتی مقام میں تبدیلی کے ساتھ ہم آہنگ کرنا ہے۔