A Policía Nacional dá por desarticulado un punto negro de venda e consumo de droga que funcionaba nun piso do centro de Marín. A denominada operación Hell permitiu deter a tres persoas como presuntos responsables deste narcopiso. Trátase dunha parella que fornecía a sustancia a este punto negro e ao vendedor da droga no propio piso. Ao tres atribúenlles un delito de tráfico de drogas, pola venda polo miúdo de cocaína e heroína. A investigación remóntase ao pasado mes de setembro e resultou crucial a colaboración cidadá. As indicacións veciñais permitiron saber que a un piso situado no centro de Marín acudía asiduamente un bo número de persoas para a adquisición de sustancias estupefacientes. Os policías comprobaron que o inmoble era un lugar de consumo, pero que o responsable tamén o utilizaba como punto de distribución. A el acudían compradores a adquirir sustancias estupefacientes e o investigado tamén se desprazaba a diversos puntos próximos para vender tamén na vía pública. Os axentes lograron identificar a unha parella que fornecía as sustancias a este punto negro e tamén ao vendedor do propio piso. A muller foi detida no momento de fornecer con 100 dose de heroína e cocaína ao vendedor e a súa parella foino cando trataba de destruír unha importante cantidade de sustancia estupefaciente. Nun rexistro comprobouse que na vivenda almacenábanse dose de cocaína, heroína, haxix e marihuana e 3.550 euros.Tamén interviñeron un vehículo e útiles para o consumo e distribución. Esta actuación enmárcase dentro do operativo de resposta policial ao tráfico comerciante polo miúdo e consumo de drogas.