ట్రాఫిక్ నిబంధనలను ఉల్లంఘిస్తూ రాంగ్ సైడ్ డ్రైవింగ్ (Wrong Side Driving) చేసే వాహనదారులపై సైబరాబాద్ పోలీసులు తమ ఉక్కుపాదం కొనసాగిస్తున్నారు. ఈ ఏడాది జనవరి నుండి ఇప్పటి వరకు నిర్వహించిన ప్రత్యేక తనిఖీల్లో చేశారు. ప్రమాదాలకు కారణమవుతున్న ఈ నిబంధనల ఉల్లంఘనపై పోలీసులు ఎటువంటి రాజీ లేకుండా వ్యవహరిస్తున్నారు. రాంగ్ సైడ్ డ్రైవింగ్‌పై సైబరాబాద్ పోలీసుల దండయాత్ర.. సైబరాబాద్ కమిషనరేట్ పరిధిలో 2025 జనవరి నుండి నేటి వరకు 15,641 నమోదయ్యాయి. ఈ కేసుల ద్వారా పోలీసులు రూ. 72,02,900 మేర జరిమానాలను (Fines) వసూలు చేశారు. రోడ్లపై వ్యతిరేక దిశలో (Opposite Direction) ప్రయాణించే ధోరణి తీవ్రమైన ప్రమాదాలకు దారితీస్తుందని.. ముఖ్యంగా హైదరాబాద్ వంటి వేగవంతమైన నగరాల్లో ఇది ప్రాణాపాయాన్ని కలిగిస్తుందని పోలీసులు హెచ్చరించారు. భద్రతకు ముప్పు..రాంగ్ సైడ్ డ్రైవింగ్ వల్ల అత్యధికంగా ప్రమాదాలు జరుగుతున్నాయని.. దీనిలో ద్విచక్ర వాహనదారులు, ఆటోలు , చిన్న వాహనాలు అధికంగా ఉన్నాయని ట్రాఫిక్ నిపుణులు విశ్లేషిస్తున్నారు. ముఖ్యంగా ఫ్లైఓవర్లు ఎక్కేటప్పుడు, యూ-టర్న్ తీసుకునే ప్రాంతాల్లో, మెయిన్ రోడ్లలోని ఖాళీలను అడ్డుపెట్టుకుని సమయాన్ని ఆదా చేయాలనే ఆలోచనతో ఈ చట్ట ఉల్లంఘన ఎక్కువ అవుతోంది. ఈ అత్యాశ ఇతరుల జీవితాలకు ప్రమాదకరంగా మారుతోంది. కఠిన చర్యలు.. సైబరాబాద్ ట్రాఫిక్ పోలీసులు పరిగణిస్తున్నారు. డ్రైవర్లు ఎటువంటి సమస్యల నుంచి తప్పించుకోకుండా ఉండేందుకు సీసీ కెమెరాలు, బాడీ వార్న్ కెమెరాల ద్వారా నిరంతరం నిఘా ఉంచుతున్నారు. చలాన్ల రూపంలో భారీ జరిమానాలతో పాటు, తరచుగా ఈ తప్పు చేసేవారిపై కఠిన చట్టపరమైన చర్యలు కూడా తీసుకుంటున్నారు. ఈ చర్యల ఉద్దేశం ఒక్కటే.. ప్రజల భద్రతను పెంపొందించడం, రోడ్లపై క్రమశిక్షణను తీసుకురావడం. పోలీసులు ప్రజలకు విజ్ఞప్తి చేస్తూ.. ప్రతి ఒక్కరూ తమ ప్రయాణంలో కొన్ని నిమిషాలు ఆలస్యమైనా, సరియైన దారిలో వెళ్లాలని.. రహదారి భద్రతకు మొదటి ప్రాధాన్యత ఇవ్వాలని కోరారు. ట్రాఫిక్ నిబంధనలను పాటించడం జరిమానాల నుంచి తప్పించుకోవడానికి కాదు.. మీ భద్రత, మీ తోటి పౌరుల రక్షణకు చాలా ముఖ్యమని గుర్తుంచుకోవాలి.