69-ാമത് ദേശീയ സ്കൂൾ ഫുട്ബോൾ ടൂർണമെന്റിൽ സീനിയർ കാറ്റഗറിയിൽ വിജയകിരീടം ചൂടിയ കേരള ടീമിനെ അഭിനന്ദിച്ച് മന്ത്രി വി ശിവൻകുട്ടി. ശ്രീനഗറിൽ വെച്ച് നടന്ന ആവേശകരമായ ഫൈനൽ മത്സരത്തിൽ മേഘാലയയെ എതിരില്ലാത്ത 2 ഗോളുകൾക്ക് പരാജയപ്പെടുത്തിയാണ് കേരളം ചാമ്പ്യൻപട്ടം നേടിയെടുത്തത്.അവേശകരമായ മത്സരത്തിനൊടുവിലെ വിജയത്തിന് ശേഷം കേരള ടീം ക്യാപ്റ്റൻ അദ്വൈത് മന്ത്രി വി.ശിവൻകുട്ടിയെ ഫോണിൽ വിളിച്ച് സന്തോഷം പങ്കുവെച്ചു. ടീമിനെ എല്ലാവരെയും മന്ത്രി അഭിനന്ദിച്ചു. ഈ സമയത്താണ് ടീമിന്റെ തിരികെ നാട്ടിലേക്കുള്ള ട്രെയിൻ ടിക്കറ്റുകൾ കൺഫോം ആകാത്തതിലുള്ള ആശങ്ക ക്യാപ്റ്റൻ മന്ത്രിയെ അറിയിച്ചത്, എല്ലാവരും വളരെ ക്ഷീണിതരാണെന്നും വിമാനത്തിൽ യാത്രയൊരുക്കാൻ സാധിക്കുമോ എന്നും ടീം അംഗങ്ങൾക്ക് വേണ്ടി ക്യാപ്റ്റൻ അഭ്യർത്ഥിക്കുകയും ചെയ്തു. പിന്നാലെ കുട്ടികളുടെ ആവശ്യം ഉടൻ തന്നെ പരിഗണിച്ച മന്ത്രി ടീം അംഗങ്ങൾക്ക് വിമാന ടിക്കറ്റ് ബുക്ക് ചെയ്ത് നൽകാൻ തൊഴിൽ വകുപ്പിന് കീഴിലുള്ള ഒഡെപെക്കിന് (ODEPC) നിർദേശം നൽകുകയായിരുന്നു. താരങ്ങളുടെ മടക്കയാത്ര സുഗമമാക്കുന്നതിനുള്ള എല്ലാ നടപടികളും സ്വീകരിക്കുമെന്നും മന്ത്രി വി ശിവൻകുട്ടി ഉറപ്പുനൽകി.ALSO READ: സഹകരണ മേഖലയുടെ ‘വിഷന്‍ 2031’പദ്ധതി; പൊതുജനാഭിപ്രായം തേടാനായി വെബ് പോര്‍ട്ടല്‍ ഉദ്ഘാടനം ചെയ്തുദേശീയ തലത്തിൽ കേരളത്തിന്റെ അഭിമാനം വാനോളം ഉയർത്തിയ കായിക പ്രതിഭകളെ മന്ത്രി വി ശിവൻകുട്ടി പ്രത്യേകം അഭിനന്ദിച്ചു. കഠിനാധ്വാനത്തിലൂടെയും മികച്ച പ്രകടനത്തിലൂടെയുമാണ് കേരള ടീം ഈ നേട്ടം കൈവരിച്ചതെന്നും, സർക്കാർ എല്ലാവിധ പ്രോത്സാഹനവും പിന്തുണയും നൽകി എല്ലാ സമയത്തും ഒപ്പമുണ്ടാകുമെന്നും മന്ത്രി വി ശിവൻകുട്ടി കൂട്ടിച്ചേർത്തു.The post ട്രെയിൻ ടിക്കറ്റ് കൺഫോം അയിട്ടില്ലെന്ന് കേരള സ്കൂൾ ഫുട്ബോൾ ടീം ക്യാപ്റ്റൻ, പിന്നാലെ സൗജന്യ ഫ്ലൈറ്റ് യാത്ര സെറ്റാക്കി മന്ത്രി വി ശിവൻകുട്ടി appeared first on Kairali News | Kairali News Live.