ఇదీ నుంచి జనం కోరుకున్న హోస్టింగ్. గత సీజన్‌లో ఎందుకొచ్చిన హోస్టింగ్ రా సామీ అంటూ హోస్ట్‌ని బండబూతులు తిట్టారు. చూసే వాళ్లే హౌస్‌లో ఉన్న కంటెస్టెంట్స్ కూడా.. ఆయన మళ్లీ హోస్ట్ చేస్తే అసలు మేం మొహమే చూడం అని స్టేట్‌మెంట్‌లు పాస్ చేసేశారు. అంత చెత్తగా ఉంది మరి నాగార్జున హోస్టింగ్. గత సీజన్లలో. కానీ.. తొమ్మిదో సీజన్‌లో మాత్రం నాగార్జున హోస్టింగ్ ఎలా ఉందని అడిగితే.. మాటల్లేవ్ అంతే. పర్ఫెక్ట్ హోస్ట్ మెటీరియల్ అంటే ఈయనే. ఇది కదా.. జనం కోరుకున్నదీ.. ఇది కదా కింగ్ నుంచి జనం ఆశించింది. ఈ వాడీ వేడీ ఇన్నాళ్లూ ఏమైపోయింది ‘బాసూ’ అనేట్టుగా సాగుతుంది నాగార్జున హోస్టింగ్. తప్పు చేసినోడు తప్పించుకోవడానికి నానా రకాలు కుయుక్తులు పన్నుతుంటాడు. అలాంటి వాడికి శిక్ష వేయాలంటే.. వాడి తప్పుని ఎత్తి చూపి కడిగిపారేయాలంటే హోస్ట్ ఇంకెంత నిఖార్సుగా ఉండాలి. ఈ సీజన్‌లో నాగార్జున హోస్టింగ్ అలాగే ఉంది. ప్రామిటర్‌ని ఫాలో అయ్యి హోస్టింగ్ చేస్తే ఎలా ఉంటుంది.? అదే గేమ్ ఫాలో అయ్యి హోస్టింగ్ చేస్తే ఎలా ఉంటుందనే ఛేంజ్ ఈ సీజన్‌లో స్పష్ఠంగా కనిపిస్తుంది. కేవలం హోస్టింగ్ మాత్రమే కాదు.. ఆయన లుక్స్‌లో కూడా చాలా మార్పు కనిపిస్తుంది. ఇక ఈ ఐదో వారంలో కూడా నాగార్జున ఒక్కొక్కరి తాట తీస్తున్నారు. వాళ్లూ వీళ్లూ అని లేదు. తప్పు చేసినోడు ఎవడైనా సరే తొక్కతీయాల్సిందే అన్నట్టుగా ఊరమాస్ అనిపిస్తున్నారు నాగార్జున. ఈ నేటి (అక్టోబర్ 11) ఎపిసోడ్‌కి సంబంధించి ఫస్ట్ ప్రోమోలో భరణి, తనూజలకు క్లాస్ పీకితే.. ఈ రెండో ప్రోమోలో ప్రే(కా)మ జంట రీతూ, డెమోన్ పవన్‌లకు వాచిపోయింది. వాళ్లు వేసిన కక్కుర్తి వేషాలను ఎండగట్టారు నాగార్జున. బెలూన్ టాస్క్‌లో అడ్డదారిలో గెలవాలని ప్రయత్నించి అడ్డంగా దొరికిపోవడమే కాకుండా.. థౌజంట్ పర్సెంట్ నేను అలా చేయలేదు అంటూ బొంకేసింది . ఇక ఆమె పెయిర్ కక్కుర్తి డెమోన్ కూడా.. అబ్బే మేం అలా చేయలేదు అని బొంకేశాడు. అయితే ఇప్పుడు వీడియో చూపించి మరీ బొమ్మ చూపిస్తున్నారు నాగార్జున. బెలూన్ టాస్క్‌లో ఎంత బ్రిలియంట్ ఐడియా వచ్చింది రీతూ నీకూ?? ఊదుతూ గాల్లో ఉంచాలి చెప్తే.. కార్నర్‌లో ఉంచితే అది గాల్లో ఉన్నట్టా? నిన్ను చూసి మిగతా వాళ్లు కూడా అదే చేశారు. అందర్నీ చెడదొబ్బావ్ అని నాగార్జున రీతూ చేసిన కక్కుర్తి పనిని ప్రశ్నించారు. అయితే ఈ మహానటి అమాయకురాలిగా ఫేస్ పెట్టి.. సంచాలక్‌గా ఉన్న ఇమ్మానుయేల్‌పైకి నెట్టేసింది. నిజానికి ఆరోజు వాళ్లు చెప్తూనే ఉన్నారు. రాము రాథోడ్ అయితే ఫౌల్ గేమ్ అని.. వీకెండ్‌లో నాగార్జున వచ్చిన ప్పుడు చెప్తారని కూడా అన్నారు. అప్పుడు కూడా.. అబ్బే నేను అలా చేయలేదు.. థౌజంట్ పర్సెంట్ పర్ఫెక్ట్‌గా ఆడానంటూ దొంగ ఆట ఆడింది రీతూ. నువ్వు సైడ్ నుంచి వేసేశావ్ అని చెప్పినా కూడా.. లేదూ అది నా హైట్ అడ్వాంటేజ్ ఇలా పెట్టానంతే అని ఆమె చేసిన కక్కుర్తి పనిని కళ్లకి కట్టాడు ఇమ్మానుయేల్. సుమన్ శెట్టి దగ్గరకు వెళ్లి.. శ్రీజాతో ఎందుకు పెయిర్ అయ్యావ్ అని చిచ్చుపెట్టింది రీతూ చౌదరి. అదే విషయాన్ని నాగార్జున ప్రస్తావిస్తే.. అబ్బే నాకది గుర్తు లేదు సార్ అని తనకి అలవాటైన పద్దతిలో బొంకేసింది. దాంతో నాగార్జున ఇచ్చారయ్యా పంచూ.. మామూలుగా లేదు.. నీకు కట్ అయ్యింది హెయిర్ మాత్రమే.. మెమొరీ కాదు అంటూ ఇచ్చిపడేశారు. ఆ తరువాత ‘పవర్ అస్త్ర’ని ప్రవేశపెట్టారు నాగార్జున. అదే ఇప్పుడు కంటెస్టెంట్స్‌కి ఆయుధంగా మారబోతుంది.