അഫ്ഗാന്‍ വിദേശകാര്യമന്ത്രി ആമിര്‍ ഖാന്‍ മുത്താഖി നടത്തിയ വാര്‍ത്താ സമ്മേളനത്തില്‍ നിന്ന് വനിത മാധ്യമപ്രവര്‍ത്തകരെ മാറ്റിനിര്‍ത്തിയതില്‍ പ്രതിഷേധം ശക്തം. വിദേശകാര്യമന്ത്രിമാരുടെ സംയുക്ത വാര്‍ത്താ സമ്മേളനവും ഒഴിവാക്കിയാണ് മുത്തഖി മാത്രമായി വാര്‍ത്താ സമ്മേളനം നടത്തിയത്. വനിതകളെ അപമാനിച്ചെന്നും പ്രധാനമന്ത്രി നരേന്ദ്ര മോദി നിലപാട് വ്യക്തമാക്കണമെന്നും ആവശ്യം ശക്തം. അതേ സമയം മുത്തഖിയുടെ വാര്‍ത്താ സമ്മേളനത്തില്‍ പങ്കിലെന്ന് പറഞ്ഞ് വിദേശകാര്യ മന്ത്രാലയം ഒഴിഞ്ഞുമാറി.ഇന്ത്യയിലെത്തിയ മുത്താഖി വിദേശകാര്യമന്ത്രി എസ് ജയശങ്കറുമായി കൂടിക്കാഴ്ച നടത്തിയതിന് പിന്നാലെ നടത്തിയ വാര്‍ത്താ സമ്മേളനത്തില്‍ നിന്നാണ് സ്ത്രീകളെ മാറ്റിനിര്‍ത്തിയത്. ഇതിനെതിരെ വലിയ വിമര്‍ശനമാണ് ഉയരുന്നത്. അതേസമയം വാര്‍ത്താ സമ്മേളനത്തില്‍ അഫ്ഗാനിസ്ഥാനിലെ സ്ത്രീകളുടെ അവകാശങ്ങളെ കുറിച്ച് ചോദിച്ചപ്പോള്‍ അതൊക്കെ വെറും പ്രചരണം മാത്രമെന്നായിരുന്നു മുത്താഖിയുടെ മറുപടി. വാര്‍ത്താ സമ്മേളനം നടത്തുമ്പോള്‍ മേശപ്പുറത്ത് താലിബാന്‍ കൊടിയും വെച്ചിരുന്നു. ഇതോടെ പ്രതിഷേധം ആളിക്കത്തുകയായിരുന്നു. എന്നാല്‍ വിവാദത്തില്‍ നിന്നും ഒഴിഞ്ഞുമാറുന്ന നിലപാടാണ് കേന്ദ്രം സ്വീകരിക്കുന്നത്. വനിത മാധ്യമപ്രവര്‍ത്തകരെ ഒഴിവാക്കിയതില്‍ പങ്കില്ലെന്നാണ് വിദേശകാര്യമന്ത്രാലയം പ്രതികരിച്ചത്. പ്രധാനമന്ത്രി നരേന്ദ്രമോദി മറുപടി പറയണമെന്ന ആവശ്യം ശക്തമാണ്.Also read – അച്ഛാ, ഫീസ് എപ്പോഴാണ് അടയ്ക്കുന്നതെന്ന് കരച്ചിലോടെ കുട്ടി; മഹാരാഷ്ട്രയില്‍ പത്താം ക്ലാസ് വിദ്യാര്‍ത്ഥിയെ പരീക്ഷാ ഹാളിലെ തറയിലിരുത്തി സ്കൂള്‍ അധികൃതര്‍മോദിക്കെതിരെ രൂക്ഷവിമര്‍ശനവുമായി പ്രിയങ്ക ഗാന്ധി രംഗത്തെത്തി, വനിത മാധ്യമപ്രവര്‍ത്തകരെ ഒഴിവാക്കിയത് ഒരിക്കലും അംഗീകരിക്കാന്‍ കഴിയില്ലെന്നും സ്ത്രീകളെ അപമാനിക്കുന്ന നടപടിയെന്നും വിമര്‍ശിച്ച പ്രിയങ്ക ഗാന്ധി പ്രധാനമന്ത്രി നിലപാട് വ്യക്തമാക്കണമെന്നും ആവശ്യപ്പെട്ടു. സാധാരണ ഉഭയകക്ഷി ചര്‍ച്ചകള്‍ക്ക് ശേഷം ഇരു രാജ്യങ്ങളുടെയും മന്ത്രിമാര്‍ ഒരുമിച്ചാണ് വാര്‍ത്ത സമ്മേളം നടത്താറ്. സംയുക്തവാര്‍ത്താ സമ്മേളനവും ഒഴിവാക്കി താലിബാന്‍ നേതാവ് ഒറ്റക്കാണ് വാര്‍ത്താ സമ്മേളനം നടത്തിയത്. ഉഭയകക്ഷി ചര്‍ച്ചയില്‍ ഇരു രാജ്യങ്ങളുടെയും ഫ്ലാഗ് ഉപയോഗിച്ചില്ലെന്നുമാണ് റിപ്പോര്‍ട്ടുകള്‍. ഇതോടെ പ്രധാനമന്ത്രി മൗനം വെടിയണമെന്ന ആവശ്യമാണ് ശക്തമാകുന്നത്. ഈ മാസം 16 വരെയാണ് അമിര്‍ഖാന്‍ മുത്തഖിയുടെ ഇന്ത്യന്‍ സന്ദര്‍ശനം.The post അഫ്ഗാന്‍ വിദേശകാര്യമന്ത്രിയുടെ വാര്‍ത്താ സമ്മേളനം; വനിത മാധ്യമപ്രവര്‍ത്തകരെ മാറ്റിനിര്‍ത്തിയതില്‍ പ്രതിഷേധം ശക്തം appeared first on Kairali News | Kairali News Live.