ఒకప్పుడు పెళ్లి సంబంధాలు చూసేటప్పుడు ‘అబ్బాయి అమెరికాలో ఉంటాడు’ అన్న ఒక్క మాట చాలు. ఇంకేం మాట్లాడాల్సిన అవసరం ఉండేది కాదు. అమెరికా అంటేనే అపారమైన అవకాశాలు, స్థిరమైన జీవితం అనే ఒక అభిప్రాయం ఉండేది. కానీ ఇప్పుడు సీన్ పూర్తిగా మారింది. ట్రంప్ 2.0 నిబంధనలు, , F1 వీసా డ్యూ డేటులు... అబ్బో అన్నీ మారిపోయాయి... ఒకప్పుడు ఎన్ఆర్ఐ పెళ్లి కొడుక్కు ఉన్న క్రేజ్ ఇప్పుడు సడెన్‌గా తగ్గిపోయింది! అసలు ఏం జరుగుతోంది?దశాబ్దాలుగా ను పెళ్లి చేసుకోవడం అనేది ఇక్కడి అమ్మాయిల 'చిన్ననాటి కల'గా ఉండేది. కానీ ఇప్పుడు ఆ కల క్రమంగా కరిగిపోతోంది. హర్యానాకు చెందిన 19 ఏళ్ల మెడికల్ స్టూడెంట్ సిద్ధి శర్మ పెట్టిన పోస్ట్ ఇప్పుడు సోషల్ మీడియాలో వైరల్ అవుతోంది. ‘అమెరికాలో స్థిరపడాలని చిన్నప్పటి నుంచి కలలు కన్నాను. కానీ ట్రంప్ ఆ డోర్ మూసేశారు," అంటున్నారు. ఈ ఒక్క మాట చాలు... పరిస్థితి ఎంత మారిందో అర్థం చేసుకోవడానికి. ట్యాగ్ ఇప్పుడు ఆకర్షణీయంగా కనిపించడం లేదు.ఈ భయాలన్నిటికీ మూలం . భారతీయులు ఈ వీసాలను అత్యధికంగా (సుమారు 71%) పొందుతారు. అయితే, ఈ వీసా ఏ క్షణమైనా రద్దయ్యే అవకాశం ఉంటుంది. 'రేపు ఈ అబ్బాయి వీసా ఉంటుందా? ఉద్యోగం పోతుందా? లేదంటే మమ్మల్ని దేశం నుంచి తరిమేస్తారా?' అనే భయం భారతీయ కుటుంబాల్లో మొదలైంది. ఒకప్పుడు లక్షల్లో సంపాదించే అబ్బాయికి ఆ వీసా రద్దయితే, ఇక్కడి నుంచి వెళ్లే అమ్మాయి ఆర్థిక భద్రతకు ఏం గ్యారెంటీ ఉంటుంది? ఇది ఇప్పుడు ప్రతి టేబుల్‌పై హాట్ టాపిక్‌గా మారింది.పరిస్థితి ఎంత సీరియస్‌గా ఉందంటే... కేవలం వీసా స్టేటస్ గురించి గందరగోళం కారణంగా కొన్ని కుటుంబాలు పెళ్లిళ్లను కూడా వాయిదా వేసుకుంటున్నాయి. అట్లాంటాలో ఉంటున్న ఒక 26 ఏళ్ల భారతీయ యువకుడు ఈ విషయంపై మాట్లాడుతూ... కేవలం ఇమ్మిగ్రేషన్ సమస్యల కారణంగానే మూడు పెళ్లిళ్లు వాయిదా పడటం తాను చూశానని చెబుతున్నారు. ఇది ఒక్కటో అరా కాదు, పెద్ద సమస్యగా మారిందనడానికి ఇదే నిదర్శనం.మ్యాట్రిమోనీ సర్వీస్ నడుపుతున్న అనురాధ గుప్తా మాట్లాడుతూ.. "ఇమ్మిగ్రేషన్ పాలసీలు వాషింగ్టన్‌లో రాస్తారు, కానీ దాని ప్రభావం మాత్రం ఇండియాలో పెళ్లిళ్ల చర్చల్లో కనిపిస్తుంది." ఆమె మాట అక్షర సత్యం! ఇమ్మిగ్రేషన్ రూల్స్ ఎప్పుడు కఠినం చేసినా... దాని మొదటి దెబ్బ పెళ్లిళ్ల మార్కెట్‌పై పడుతుందని టొరంటో యూనివర్సిటీ ప్రొఫెసర్ కూడా విశ్లేషిస్తున్నారు.మరో మ్యారేజ్ బ్యూరో నడిపే వనజా రావు మాటలు కూడా ఈ విషయాన్ని బలపరుస్తున్నాయి. కొన్నేళ్ల కిందట వరకు ఎన్ఆర్ఐ అబ్బాయిలకు డిమాండ్ పీక్స్‌లో ఉండేది అంటున్న ఆమె... "ట్రంప్ పగ్గాలు చేపట్టినప్పటి నుంచీ ఈ స్పీడ్ తగ్గడం మొదలైంది. ముఖ్యంగా గత ఆరు నెలల్లో ఈ గందరగోళం పెరిగి... ఇప్పుడు భయం మరింత పెరిగింది" అని చెబుతున్నారు. అంటే, రాజకీయ అనిశ్చితి, విధానాల మార్పులు... ఇప్పుడు మన వ్యక్తిగత జీవితాలపైనా, పెళ్లిళ్లపైనా ప్రభావం చూపిస్తున్నాయన్న మాట.ఈ మొత్తం పరిస్థితిలో భారతీయ కుటుంబాలు ఏం కోరుకుంటున్నాయి? సింపుల్! భద్రత, స్థిరత్వం. హెచ్-1బీ వీసాపై వచ్చే అనిశ్చితి, అబ్బాయి ఉద్యోగం పోతే భవిష్యత్తు ఏమవుతుందో అనే భయం కారణంగా... ఇప్పుడు ఇండియాలోనే స్థిరంగా, ప్రభుత్వ ఉద్యోగాల్లో ఉన్నవారికి లేదా ఇక్కడే సొంత వ్యాపారాలు చేసుకునే వారికి డిమాండ్ పెరుగుతోంది. ఒకప్పుడు అంతకుముందు లేని డిమాండ్... ఇప్పుడు భారత్‌లోని పర్మనెంట్ సెటిల్మెంట్ ఉన్న అబ్బాయిలకు వస్తోంది. అవును, అమెరికా ఇప్పటికీ ఒక శక్తివంతమైన దేశమే. కానీ, దశాబ్దాలుగా మనమంతా చూసిన ఎన్ఆర్ఐ గ్లామర్ మాత్రం ఇప్పుడు పలచబడుతోంది.. రాజకీయ, ఆర్థిక అనిశ్చితులు... పెళ్లిళ్లను కూడా ప్రభావితం చేస్తున్నాయి. మన యువత, మన కుటుంబాలు... అమెరికా కలలపై ఆధారపడకుండా, మన దేశంలోనే అవకాశాలను చూసుకోవాల్సిన సమయం వచ్చింది.