క్రికెట్ ప్రపంచాన్ని ఓ వార్త కుదిపేస్తోంది. - కి ఒక ప్రముఖ ఐపీఎల్ ఫ్రాంఛైజీ పది మిలియన్ అమెరికన్ డాలర్లు.. అంటే భారతీయ కరెన్సీలో రూ. 84 కోట్లు ఆఫర్ చేసి, ఆస్ట్రేలియా తరఫున క్రికెట్ ఆడటం మానేసి గ్లోబల్ టీ20 లీగ్‌లలో పాల్గొనాలని ప్రలోభ పెట్టిందంటూ ఆస్ట్రేలియా మీడియా బాంబ్ పేల్చింది. ఇప్పుడు ఈ వార్త క్రికెట్ ప్రపంచంలో పెను ప్రకంపనలు సృష్టిస్తోంది. ఇండియన్ ప్రీమియర్ లీగ్ (ఐపీఎల్) ఫ్రాంఛైజీలు ఇప్పుడు ప్రపంచ వ్యాప్తంగా విస్తరించాయి. దక్షిణాఫ్రికా ఎస్ఏ20, వెస్టిండీస్‌లోని కెరీబియన్ ప్రీమియర్ లీగ్ (సీపీఎల్), అమెరికాలోని మేజర్ లీగ్ క్రికెట్ (ఎంఎల్‌సీ), అలాగే యునైటెడ్ అరబ్ ఎమిరేట్స్‌లోని ఇంటర్నేషనల్ లీగ్ టీ20 (ఐఎల్‌టీ20) వంటి టోర్నీల్లో ఐపీఎల్ ఫ్రాంఛైజీలు భారీగా వాటాలు కలిగి ఉన్నాయి. ఈ ఫ్రాంచైజీలకు కమిన్స్‌, హెడ్‌ వంటి పెద్ద క్రికెటర్లు అన్ని లీగ్‌ల్లో కూడా అందుబాటులో ఉండడం వ్యాపారపరంగా బాగా లాభదాయకం అవుతుంది.ఈ నేపథ్యంలో ప్రపంచ వ్యాప్తంగా జరుగుతున్న టీ20 లీగ్‌లలో కమిన్స్, హెడ్‌ను ఆడించాలనే ఉద్దేశంతో ఓ ఐపీఎల్ ఫ్రాంఛైజీ వారికి భారీగా డబ్బు ఆశ చూపిందని ఆస్ట్రేలియాకు చెందిన సిడ్నీ మార్నింగ్ హెరాల్డ్‌ నివేదించింది. అయితే, ఈ ఆఫర్‌ను ఇద్దరు స్టార్‌ క్రికెటర్లు స్పష్టంగా తిరస్కరించినట్లు సమాచారం. ఆస్ట్రేలియా జెర్సీపై ఆడటమే తమకు గౌరవమని, ఆస్ట్రేలియా క్రికెట్‌‌పై తమకు ఉన్న నిబద్ధతను ద్రోహం చేయలేమని వారు తెలిపినట్లు తెలుస్తోంది. ఈ విషయం క్రికెట్ ఆస్ట్రేలియా, బిగ్ బాష్ లీగ్‌ (బీబీఎల్) ప్రైవేటీకరణ చర్చల సమయంలో బయటకు వచ్చినట్లు రిపోర్ట్‌ తెలిపింది. కమిన్స్‌, హెడ్‌ ఇద్దరూ ప్రస్తుతం ఐపీఎల్‌లో (ఎస్ఆర్‌హెచ్) తరఫున ఆడుతున్నారు. అయితే, ఈ ఆఫర్‌ సన్‌రైజర్స్ నుంచా, లేక మరో ఫ్రాంచైజీ నుంచా వచ్చిందా అనే విషయం మాత్రం స్పష్టత లేదు. టీ20 లీగ్‌లు ఆటగాళ్లకు అపారమైన ఆర్థిక లాభాలు అందిస్తున్నాయి. దక్షిణాఫ్రికా వికెట్‌కీపర్‌ బ్యాటర్ హెన్రిచ్ క్లాసెన్ తాజాగా అంతర్జాతీయ క్రికెట్‌ నుంచి రిటైర్‌ అయ్యి, ఫ్రాంచైజీ లీగ్‌లపైనే దృష్టి పెట్టాడు. ఇంగ్లండ్‌ స్టార్‌లు జోస్ బట్లర్, జోఫ్రా ఆర్చర్ కూడా ఇలాంటి ప్రలోభాలను ఎదుర్కొన్నప్పటికీ, దేశానికి ప్రాధాన్యం ఇచ్చారు. “ఆటగాళ్లను బోర్డులు సరిగ్గా చూసుకోకపోతే, వారు లీగ్‌ల వైపు వెళ్లి డబ్బు సంపాదించడానికి ప్రయత్నిస్తారు. ఆస్ట్రేలియా, ఇంగ్లండ్ ఆటగాళ్లను ఆ బోర్డులు బాగా చూసుకుంటాయి. అందుకే వాళ్లు ప్రపంచ లీగ్‌లకు దూరంగా ఉంటారు” అని హెన్రిచ్ క్లాసెన్ క్రిక్‌బజ్‌తో చెప్పాడు.