ദില്ലി അരുണ്‍ ജെയ്റ്റ്ലി സ്റ്റേഡിയത്തില്‍ നടക്കുന്ന വെസ്റ്റ് ഇന്‍ഡീസിനെതിരായ രണ്ടാം ടെസ്റ്റിന്റെ ആദ്യ ദിനത്തില്‍ ഇന്ത്യന്‍ ഓപ്പണര്‍ യശസ്വി ജയ്സ്വാള്‍ മികച്ച പ്രകടനമാണ് കാഴ്ചവച്ചത്. ആദ്യ ദിനം അവസാനിപ്പിച്ചപ്പോള്‍ 253 പന്തില്‍ നിന്ന് 173 റണ്‍സുമായി 23-കാരനായ താരം ക്രീസിലുണ്ട്. 22 ഫോറുകള്‍ ഉള്‍പ്പെടുന്നതായിരുന്നു ജയ്സ്വാളിന്റെ ഇന്നിങ്സ്. അതിനിടെ, മാസ്റ്റര്‍ ബ്ലാസ്റ്റര്‍ സച്ചിന്‍ ടെണ്ടുല്‍ക്കറുടെ റെക്കോര്‍ഡും പയ്യന്‍ തകര്‍ത്തു. 23 വയസ്സുള്ളപ്പോള്‍ ടെസ്റ്റില്‍ ഏറ്റവും കൂടുതല്‍ 150+ സ്കോറുകള്‍ നേടിയ ഏക ഇന്ത്യന്‍ കളിക്കാരനാണ് ജയ്സ്വാള്‍. 24 വയസ്സ് തികയുന്നതിന് മുമ്പ് നാല് തവണ 150+ സ്കോറുകള്‍ നേടിയ സച്ചിന്‍ ടെണ്ടുല്‍ക്കറുടെ റെക്കോര്‍ഡ് ആണ് അദ്ദേഹം തകര്‍ത്തത്. മൊത്തത്തില്‍, എട്ട് തവണ 150+ സ്കോറുകള്‍ നേടിയ ക്രിക്കറ്റ് ഇതിഹാസം ഡോണ്‍ ബ്രാഡ്മാന്‍ ആണ് പട്ടികയില്‍ ഒന്നാമത്. ജയ്സ്വാള്‍ രണ്ടാം സ്ഥാനത്താണ്. Read Also: ‘സഞ്ജുവിനെ പോലുള്ള കളിക്കാരെ നമ്മള്‍ മറക്കുന്നു’; ഏകദിനത്തില്‍ താരത്തെ തഴഞ്ഞതില്‍ അഗാര്‍കറിനെതിരെ കൈഫ്ജയ്സ്വാള്‍ ടെസ്റ്റ് സെഞ്ച്വറി നേടുന്ന ഏഴാമത്തെയും അത് 150-ലധികം സ്‌കോറാക്കി മാറ്റുന്ന അഞ്ചാമത്തെയും സമയമാണിത്. ആക്രമണാത്മകമായി കളിച്ചില്ലെങ്കിലും 173 റണ്‍സുമായി പുറത്താകാതെ നിന്ന ജയ്സ്വാളിന്റെ കഴിവ് പലരെയും അത്ഭുതപ്പെടുത്തി. ഇന്ത്യയുടെ ബാറ്റിങ് പരിശീലകന്‍ സിതാന്‍ഷു കൊട്ടക് ജയ്സ്വാളിന്റെ ദൃഢനിശ്ചയം എടുത്തുപറഞ്ഞു.The post സാക്ഷാല്‍ സച്ചിന്റെ റെക്കോര്‍ഡ് പഴങ്കഥയാക്കി ജയ്സ്വാള് appeared first on Kairali News | Kairali News Live.