کراچی(8 اکتوبر 2025): بین الاقوامی اور مقامی مارکیٹوں میں سونے کی قیمت تاریخ کی نئی بلند ترین سطح پرپہنچ گئیں۔سونے کی قیمتوں میں اضافے کا نہ رکنے والا سلسلہ جاری ہے جس کے نتیجے میں مقامی و بین الاقوامی مارکیٹوں میں سونے کی قیمتیں تاریخ کی بلند ترین ترین سطح پر جاپہنچی ہے، آج فی تولہ سونے کی قیمت میں 8 ہزار روپے سے بھی زائد کا اضافہ ریکارڈ کیا گیا ہے۔آل پاکستان جیمز اینڈ جیولرز ایسوسی ایشن نے بتایا مقامی صرافہ مارکیٹوں میں فی تولہ سونا 8 ہزار 400 روپے مہنگا ہوکر 4 لاکھ 25 ہزار 175 روپے کا ہوگیا۔اسی طرح 10 گرام سونا 7 ہزار 202 روپے اضافے کے بعد 3 لاکھ 64 ہزار 521 روپے میں فروخت ہو رہا ہے، بین الاقوامی مارکیٹ میں بھی قیمتوں میں اضافہ دیکھا گیا، جہاں فی اونس سونا 84 ڈالر بڑھ کر 4039 ڈالر کا ہوگیا۔پاکستان میں آج ڈالر اور دیگر کرنسیوں کی قیمتماہرین کے مطابق ڈالر کی قدر میں اتار چڑھاؤ اور عالمی مارکیٹ میں بڑھتی مانگ مقامی سطح پر بھی سونے کی قیمتوں میں اضافے کا باعث بنی ہے۔یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔