SBI : దేశంలోని ప్రముఖ అసెట్ మేనేజ్మెంట్ సంస్థల్లో ఒకటైన మరో కొత్త ఫండ్ లాంచ్ చేసింది. న్యూ స్పెషలైజ్డ్ ఇన్వెస్ట్‌మెంట్ ఫండ్ (SIF) కేటగిరీలో మొట్ట మొదటి సారి కొత్త తరం స్కీమ్ తీసుకొచ్చినట్లు తెలిపింది. ఎస్ఐఎఫ్ మాగ్నమ్ హైబ్రిడ్ లాంగ్ షార్ట్ ఫండ్ () పేరుతో ఈ న్యూ ఫండ్ ఆఫర్ అందుబాటులోకి తెచ్చింది. ఈక్విటీ, డెట్ సెక్యూరిటీల్లో పెట్టుబడులు పెట్టడం ద్వారా లాభాలు అందించడమే ఈ స్కీమ్ లక్ష్యం. అలాగే డెరివేటివ్స్ ద్వారా షార్ట్ టర్మ్ ప్రాఫిట్స్ అందించడం కోసం ఈక్విటీ, డెట్ మార్గాల్లో పెట్టుబడులు పెట్టనుంది. ఈ న్యూ ఫండ్ ఆఫర్ () సబ్‌స్క్రిప్షన్ ఇప్పటికే (అక్టోబర్ 1న) మొదలవుతోంది. ఈనెల 15వ తేదీ వరకు అందుబాటులో ఉంటుంది. ఈక్విటీ, డెట్ మనీ మార్కెట్లోని క్యాష్ అండ్ డెరివేటివ్ విభాగాల్లో కాల్స్, ఆర్బిట్రేజ్ ఆపర్చున్యుటీస్ డెరివేటివ్ వ్యూహాలతో రెగ్యులర్ ఆదాయం పొందేందుకు ఈ స్పెషల్ ఫండ్ తెచ్చినట్లు ఎస్‌బీఐ మ్యూచువల్ ఫండ్ పేర్కొంది. వీటితో పాటు అదనపు ఫండ్స్‌ను ఈక్విటీ, ఈక్విటీ ఆధారిత విభాగాల్లో పెట్టుబడి పెట్టి దీర్ఘకాలంలో మూలధన లాభాలు అందించేలా చేయనున్నట్లు కంపెనీ తెలిపింది.వారంలో రెండు రోజులు సోమ, గురువారాల్లో రిడంప్షన్ చేసుకునే అవకాశం ఇస్తోంది. ఈ కొత్త తరం ఫండ్‌లో కనీస పెట్టుబడి రూ.10 లక్షలుగా నిర్ణయించారు. ఆ తర్వాత అదనపు పర్చేస్ వాల్యూ రూ.10000గా నిర్ణయించారు. ఒకేసారి పెద్ద మొత్తంలో లేదా సిస్టమాటిక్ ఇన్వెస్ట్‌మెంట్ ప్లాన్ ద్వారా ఇన్వెస్ట్ చేయొచ్చని ఎస్‌బీఐ మ్యూచువల్ ఫండ్ తెలిపింది.ఈ కొత్త ఎస్ఐఎఫ్ స్కీమ్ బెచ్ మార్క్ సూచీ నిఫ్టీ 50 హైబ్రిడ్ కంపోజిట్ డెట్ 50:50 ఇండెక్స్ టీఆర్ఐ ఉంటుందని తెలిపింది. ఈ నిధులను 65-75 శాతం ఈక్విటీ, ఈక్విటీ ఆధారిత కేటగిరీల్లో ఇన్వెస్ట్ చేయనున్నారు. మిగిలిన డబ్బులు ఇండెక్స్ ఫ్యూచర్స్, స్టాక్ ఫ్యూచర్స్, ఇండెక్స్ ఆప్షన్స్, స్టాక్ ఆప్షన్స్ సహా డెరివేటివ్ స్ట్రాటజీ మార్గాల్లో పెట్టుబడిగా పెడతారు. ఫ్యూచర్స్ అండ్ ఆప్షన్స్ అంటే హైరిస్క్ ఉంటుంది. అవగాహన లేని వారు ఇందులోకి రాకూడదని చెబుతుంటారు. అయితే మ్యూచువల్ ఫండ్స్‌లోనూ రిస్క్ ఎక్కువగానే ఉంటుంది. స్టాక్ మార్కెట్ ఒడుదొడుకులకు చాలా ఫండ్స్ లోనవుతుంటాయి. మరోవైపు న్యూ ఫండ్ ఆఫర్లకు కొత్త ఇన్వెస్టర్లు దూరంగా ఉండాలని విశ్లేషకులు సూచిస్తుంటారు. ఫండ్ పని తీరు తెలియకుండా పెట్టుబడి పెడితే నష్టపోయే ప్రమాదం ఉంటుంది.