SC on Children's Sex Education: భారతదేశంలోని పాఠశాలల్లో లైంగిక విద్య అందించే విధానంపై దేశ అత్యున్నత న్యాయస్థానం సంచలన అభిప్రాయాన్ని వ్యక్తం చేసింది. పిల్లలకు లైంగిక విద్యను కేవలం తొమ్మిది, పదో తరగతి వాళ్లకే కాకుండా.. అంతకంటే చిన్న వయస్సు నుంచే అందించాలని స్పష్టం చేసింది. అంతేకాదండోయ్ పాఠ్యాంశాల్లో మార్పులు చేయాలని కూడా విద్యాశాఖ అధికారులకు సుప్రీం కోర్టు ఆదేశాలు జారీ చేసింది. న్యాయమూర్తులు సంజయ్ కుమార్, అలోక్ ఆరాధేలతో కూడిన ధర్మాసనం ఈ అభిప్రాయాన్ని వెల్లడించింది. యుక్త వయస్సు వచ్చే యువతకు కౌమార దశలో సంభవించే హార్మోన్ల మార్పుల గురించి అవగాహన కల్పించేందుకు, లైంగిక విద్యను ఉన్నత సెకండరీ పాఠశాలల పాఠ్య ప్రణాళికలో భాగం చేయాలని ధర్మాసనం సూచించింది."లైంగిక విద్యను పిల్లలకు 9వ తరగతి నుంచి కాకుండా.. మేము వచ్చాము. కౌమార దశ తర్వాత శరీరంలో జరిగే మార్పులు, వాటికి సంబంధించి తీసుకోవలసిన జాగ్రత్తలు, అప్రమత్తత గురించి పిల్లలకు సమగ్రంగా తెలియజేసేందుకు సంబంధిత అధికారులు తమ దృష్టిని కేంద్రీకరించి, తగిన దిద్దుబాటు చర్యలు తీసుకోవాల్సిన అవసరం ఉంది" అని ధర్మాసనం పేర్కొంది.పోక్సో కేసు విచారణలో కీలక వ్యాఖ్యలు..లైంగిక విద్యపై చేయడానికి కారణం.. ఒక ప్రత్యేకమైన కేసు విచారణ. ఐపీసీ సెక్షన్లు 376, 506, పోక్సో చట్టంలోని సెక్షన్ 6 కింద అభియోగాలు ఎదుర్కొంటున్న 15 ఏళ్ల బాలుడికి బెయిల్ మంజూరు చేసే సమయంలో సుప్రీం కోర్టు ఈ పరిశీలనలను చేసింది. ఆ నిందితుడు మైనర్ అని గుర్తించిన అపెక్స్ కోర్టు.. జువైనల్ జస్టిస్ బోర్డు నిర్ణయించే షరతులు, నిబంధనలకు లోబడి అతడిని బెయిల్‌పై విడుదల చేయాలని ఇంతకుముందు ఆదేశించింది.సామాజిక, చట్టపరమైన సమస్యలను పరిష్కరించడంలో విద్య పాత్ర ఎంత కీలకమనే విషయాన్ని ఈ తీర్పు నొక్కి చెబుతోంది. , సామాజిక అంశాల గురించి సరైన అవగాహన కలిగి ఉండకపోవడం వల్లనే వారు తరచుగా నేరాలకు పాల్పడుతున్నారనే విషయాన్ని కోర్టు పరోక్షంగా సూచించింది. సరైన సమయంలో.. సరైన అవగాహన కల్పించడం ద్వారా ఇలాంటి కేసుల సంఖ్యను తగ్గించవచ్చని, తద్వారా పిల్లల భద్రతతో పాటు, వారి భవిష్యత్తుకు భరోసా లభిస్తుందని సుప్రీం కోర్టు అభిప్రాయపడింది.