O colexio Froebel recibiu a visita indeseada das termitas. Este pequenos pero voraces insectos lograron coarse no interior do edificio e causaron danos nunha das escaleiras, o que obrigou a actuar con rapidez para evitar que o problema vaia a máis. O Concello de Pontevedra xa tomou cartas no asunto e contratou unha empresa especializada para aplicar un tratamento contra esta praga, que foi detectada o pasado mes de maio, xusto cando o centro aínda estaba en obras. O custo da intervención ascende a 5.848 euros, unha factura que foi aprobada este xoves pola Xunta de Goberno. Pero o Froebel non foi o único afectado por estes xilófagos. Lembremos que a casa Cconsistorial, situada na Praza de España, tamén tivo o seu encontro coas termitas. Concretamente, a vítima foi o portón de entrada cuxos danos se descubriron xusto antes da reinauguración do edificio en 2024. Aínda que o problema se detectou a tempo, o tratamento específico non se aplicou até febreiro deste ano. Esta intervención custou 23.417 euros e foi realizada por Construcciones Ramírez, a mesma empresa que se encargou da rehabilitación do edificio. Parece que as termitas quixeron facerse notar, pero por sorte, as autoridades actuaron a tempo para evitar males maiores.