A Real Federación Española de Fútbol fixou os horarios da xornada 10 de liga en Primeira RFEF, e por primeira vez esta campaña ao Pontevedra Club de Fútbol tocoulle un dos horarios que todos os equipos buscan evitar. Esa xornada os granates recibirán o Zamora CF no Estadio Municipal de Pasarón. Farano finalmente o sábado 1 de novembro á hora para comer, as 14.00 horas. Este encontro estará incluído na oferta da canle lineal que ofrece até 10 encontros por xornada en diferentes plataformas audioviduales. 📺 𝗛𝗢𝗥𝗔𝗥𝗜𝗢𝗦 𝗬 𝗧𝗘𝗟𝗘𝗩𝗜𝗦𝗜𝗢𝗡𝗘𝗦 | 𝗝𝗢𝗥𝗡𝗔𝗗𝗔 𝟭𝟬#PrimeraFederación | #VersusELearning pic.twitter.com/IzK3ivsjHR — Primera Federación Versus e-Learning (@Primera_RFEF) October 10, 2025 Dáse a circunstancia de que esa mesma semana, entre partidos de liga, o Pontevedra afrontará a primeira rolda da Copa do Rei cunha visita á UD Ourense no Estadio do Couto. Antes de chegar a eses encontros, os granates xogarán este domingo 12 de outubro (12.00 horas) a domicilio contra o Real Madrid Castilla, o sábado 18 de outubro (16.00 horas) recibirá a Osasuna Promesas en Pasarón e o domingo 26 de outubro (12.00 horas) visitarán o CD Arenteiro.