టీమిండియా స్టార్ ఆల్‌రౌండర్ హార్దిక్ పాండ్యా.. ఆటతో పాటు ఆటేతర విషయాల్లో కూడా తరచూ వార్తల్లోకి వస్తాడు. ఆసియాకప్ 2025లో గాయపడిన అతడు.. ప్రస్తుతం క్రికెట్‌కు దూరమయ్యాడు. ఈ క్రమంలోనే ఆస్ట్రేలియాతో టీ20, వన్డే సిరీస్‌కు దూరమయ్యాడు. అక్టోబర్ 11న బర్త్‌డే కాగా.. అంతకుముందు రోజు అంటే అక్టోబర్ 10న అతడు ఎయిర్‌పోర్ట్‌లో కనిపించడం చర్చనీయాంశంగా మారింది. పాండ్యా ఒక్కడే కనిపిస్తే పెద్దగా ఎవరూ పట్టించుకునేవాళ్లు కాదు.. కానీ అతడితో పాటు మోడల్ మహీక శర్మ ఉండటం.. అందరి దృష్టిని ఆకరిస్తోంది.బరోడాకు చెందిన ఈ ఆల్‌రౌండర్‌ గతంలో సెర్బియాకు చెందిన మోడల్‌ నటాషా స్టాంకోవిక్‌తో ప్రేమలో పడ్డాడు. వీరి ప్రమే పెళ్లి వరకూ వెళ్లింది. పెళ్లికి ముందే వీరికి కుమారుడు అగస్త్య జన్మించాడు. తొలుత కరోనా సమయంలో అత్యంత సన్నిహితుల సమక్షంలో వీరి పెళ్లి జరిగింది. కానీ కుమారుడు పుట్టిన మూడేళ్లకు అంటే 2023, ఫిబ్రవరి 14న ఉదయ్‌పూర్‌లో హార్దిక్‌- నటాషా మరోసారి ఘనంగా పెళ్లి చేసుకున్నారు. కానీ ఇది జరిగిన ఏడాదికే తాము విడిపోతున్నట్లు ప్రకటించి అందర్నీ ఆశ్చర్యపరిచారు. నటాషాతో విడాకుల తర్వాత హార్దిక్ పాండ్యా.. కొన్ని రోజులు సింగిల్‌గా ఉన్నాడు. కుమారుడు అగస్త్య బాధ్యతను పాండ్యా, నటాషా పంచుకున్నారు. నటాషాతో విడిపోయిన తర్వాత హార్దిక్.. ప్రముఖ సింగర్‌ జాస్మిన్‌ వాలియాతో ప్రేమలో పడ్డట్లు వార్తలు వచ్చాయి. కానీ కొన్ని రోజులకే మళ్లీ బ్రేకప్ చెప్పినట్లు ప్రచారం జరిగింది. తాజాగా అతడు మోడల్‌ మహీక శర్మతో ఎయిర్‌పోర్ట్‌లో కనిపించడం చర్చనీయాంశంగా మారింది.మహీక శర్మ, హార్దిక్ ప్రేమలో ఉన్నారని కొన్ని రోజులుగా ప్రచారం జరుగుతోంది. ఆ వార్తలు ఊతమిచ్చేలా.. హార్దిక్ పాండ్యా పుట్టిన రోజుకు ఒక రోజు ముందు వీరిద్దరూ ముంబై ఎయిర్‌పోర్ట్‌లో కనిపించారు. వీరిద్దరూ హార్దిక్ పాండ్యా బర్త్ డేను సెలబ్రేట్ చేసుకునేందుకు పయనమైనట్లు సమాచారం. ఎయిర్‌పోర్ట్‌లో హార్దిక్‌.. మహీక శర్మ చేయిని పట్టుకుని ముందుకు నడిపించాడు. ఆ సమయంలో ఇద్దరూ నలుపు రంగు వస్త్రాల్లో.. ఒకే రకమైన జాకెట్‌ ధరించి.. వైట్‌ షూస్‌ వేసుకుని కనిపించారు. దీంతో వీరిద్దరి మధ్య ఏదో తెలియని బంధం ఉందనే ప్రచారం ఊపందుకుంది.