బిగ్ బాసా? ఎప్పుడొస్తుందీ అని ఎదురుచూసే వాళ్లకంటే కూడా.. ఎందుకొచ్చిన రా బాబూ.. పనీపాటా లేని పనికిమాలినోళ్లని తీసుకొచ్చి ప్రతిరోజూ వెధవ సోది.. అని తిట్టుకునే వాళ్లే ఎక్కువ ఉంటారు. కానీ విచిత్రం ఏంటంటే.. తిట్టుకుంటూ చూడటమే షో స్పెషాలిటీ. ఎంత ఎక్కువ తిట్టుకుంటే.. అంత క్రేజ్ అన్నమాట. అంతేతప్పా.. షో అంటే బిగ్ బాస్.. ఎంటర్టైన్మెంట్ అంటే బిగ్ బాస్‌లోనే అనే మాట పొరపాటున కూడా ఎక్కడా వినిపించదు. మరి తిట్టుకుంటూ చూడ్డం ఎందుకు అంటే.. పక్కింట్లో పత్తేపారం నడుస్తుందంటేనే మనం చెవులురిక్కిరించుకుని వింటాం.. చూస్తాం. అలాంటిది ఒకరు ఇద్దరు కాదు.. ఏకంగా 20 మంది పత్తేపారాలు చూడాలంటే ఎవరికి మాత్రం ఆసక్తి ఉండదు.పైకి మాత్రం పనికిమాలిన షో అని అంటారు కానీ.. ఎగబడిమరీ చూస్తుంటారు. అందుకే షోకి పడిపడి మరీ వెళ్తుంటారు. ఓర్నాయనా.. ఒక్కసారి బిగ్ బాస్‌కి వెళ్లారంటే జీవితాలు సంకనాకిపోతాయ్.. .. బిగ్ బాస్‌కి వెళ్లడానికి ఉవ్విళ్లూరుతుంటారు. కొంతమంది డబ్బు కోసం.. ఇంకొంతమంది నేమ్ అండ్ ఫేమ్ కోసం.. మరికొంత మంది ఏ మొగుడూ లేకపోతే అక్కడ మొగుడే గతి అన్నట్టుగా.. ఆ ఆఫరూ లేదు కనీసం ఈ బిగ్ బాస్ ఆఫర్‌‌నైనా యూజ్ చేసుకుందాం అని తప్పక వచ్చేవాళ్లూ ఉంటారు. ఏది ఏమైనా కూడా బిగ్ బాస్‌కి వెళ్లాలనే పిచ్చతో వచ్చేవాళ్లూ ఉంటారు. హౌస్‌లోకి వెళ్లడానికి కారణాలు ఏమైనా కావచ్చు కానీ సీజన్ 9కి సంబంధించి హౌస్‌లో అడుగుపెట్టబోయే కంటెస్టెంట్స్ అయితే రెడీ అయిపోయారు. ప్రతి సీజన్‌లో ఓ రెండు మూడు వందలమంది లిస్ట్‌ని రెడీ చేసుకుని.. వాళ్లతో బేరసారాలు జరిపి.. అగ్రిమెంట్‌లు చేయించుకుని హౌస్‌లోకి పంపేవారు. అయితే ఈసారి అగ్నిపరీక్ష అంటూ సోషల్ మీడియాలో పాపులర్ అయిన వాళ్లని.. మరికొంతమంది చిల్లర బ్యాచ్‌లను తీసుకొచ్చి వాళ్లకి ఆడిషన్స్ చేసి.. అగ్నిపరీక్ష పేరుతో హంగామా చేసి.. వాళ్లలో ఓ ఐదుగుర్ని హౌస్‌లోకి పంపిస్తున్నారు. ఆ ప్రాసెస్‌కి నడుస్తూనే ఉంది. వాళ్లకి సంబంధించిన ఓటింగ్‌లు బ్యాటింగ్‌లు స్టార్ట్ అయిపోయాయి. ఆ ఐదుగుర్ని పక్కన పెడితే.. మరి మిగిలిన వాళ్ల సంగతి ఏంటంటే.. మరో 15 మంది కంటెస్టెంట్స్.. సెప్టెంబర్ 07 ఆదివారం రాత్రి 7 గంటలకు ప్రారంభం కాబోయే బిగ్ బాస్ సీజన్ 9 గ్రాండ్ లాంఛ్‌లో హౌస్‌లోకి అడుగుపెట్టబోతున్నారు. వాళ్లలో కొంతమంది పేర్లు బయటకు వచ్చాయి. ఆ లిస్ట్ ఏంటో చూద్దాం.Bigg Boss Telugu 9 Contestants List: 1.కమెడియన్ ఇమ్మానుయేల్ (జబర్దస్త్ ఫేమ్)2. కమెడియన్ సుమన్ శెట్టి (7/G బృందావనకాలనీ)3. అలేఖ్య చిట్టి పికిల్స్ రమ్య (చిట్టి పికెల్స్ ఫేమ్)4. సీరియల్ నటుడు భరణి శంకర్ (స్రవంతి సీరియల్ ఫేమ్)5. హీరోయిన్ ఆశాషైనీ (నరసింహనాయుడు ఫేమ్)6. సీరియల్ నటి తనూజా గౌడ (ముద్దమందారం ఫేమ్)7. ఫోక్ సింగర్ రాము రాథోడ్ (రాను బొంబాయి రానూ సాంగ్ ఫేమ్)8. హీరోయిన్ సంజనా గల్రానీ (బుజ్జిగాడు మూవీ ఫేమ్)9.కొరియోగ్రాఫర్ శ్రేష్టి వర్మ (జానీ మాస్టర్ అసిస్టెంట్) 10.యాక్టర్ హర్షిత్ రెడ్డి (శుభం, కల్కీ ఫేమ్) 11. జుబేదా సుల్తానా (కమెడియన్ అలీ వైఫ్)అగ్నిపరీక్ష ద్వారా హౌస్‌లోకి వెళ్లే కంటెస్టెంట్స్ లిస్ట్ 1.మాస్క్‌ మెన్ హరీష్2. పవన్ కళ్యాణ్3. శ్రీజా 4. ప్రియా శెట్టి లేదా పవన్ డెమాన్5. నాగ ప్రశాంత్ లేదా మనీష్ ఈ 16 మందిలో దాదాపు 12 మంది కన్ఫామ్ కావచ్చు. ఎందుకంటే.. అగ్నిపరీక్ష కంటెస్టెంట్స్‌ని పక్కన పెట్టి.. సెలబ్రిటీ లిస్ట్‌లో ఉన్న ఈ 11మందిలో ఒక్కరు కూడా ఫైనల్ అగ్రిమెంట్‌పై సంతకం చేయకపోవడం విశేషం. కాబట్టి.. హౌస్‌లోకి ఎవరు ఎంట్రీ ఇవ్వబోతున్నారనేది చివరి వరకూ సస్పెన్సే. మరో ఆసక్తికరమైన విషయం ఏంటంటే.. గత సీజన్లలో హౌస్‌లోకి వెళ్లబోయే కంటెస్టెంట్స్‌కి ముందే కన్ఫామ్ అని చెప్పేవారు.. అగ్రిమెంట్స్ చేయించుకునే వారు. కానీ ఈసారి ఏకంగా 50 మందికి పైగా ఫైనల్ అగ్రిమెంట్ వరకూ సెలెక్ట్ చేసి వాళ్లని హోల్డ్‌లో పెట్టినట్టు తెలుస్తోంది. కాబట్టి.. అగ్రిమెంట్‌పై సంతకాలు అయినా కూడా.. హౌస్‌లోకి అడుగుపెట్టబోయేది ఎవరనేది సస్పెన్స్‌గా మారింది. ఫినాలే రోజున ఎక్కడా వినిపించని.. మరెక్కడా కనిపించని ఐదుగురు పేర్లను రివీల్ చేయబోతున్నారట.