ہندوستان کے نائب صدر عہدہ کا انتخاب قریب ہے۔ اس عہدہ کے لیے برسراقتدار طبقہ این ڈی اے اور حزب اختلاف طبقہ انڈیا بلاک نے اپنے اپنے امیدواروں کا اعلان پہلے ہی کر دیا ہے۔ انڈیا بلاک کی طرف سے سابق جج بی سدرشن ریڈی کو امیدوار بنایا گیا ہے، جو لگاتار مختلف پارٹیوں سے ملاقات کر اپنی امیدواری سے متعلق اہمیت سامنے رکھ رہے ہیں۔ اس دوران انھوں نے آج دہلی واقع انڈین یونین مسلم لیگ (آئی یو ایم ایل) کے قومی ہیڈکوارٹر ’قائد ملت سنٹر‘ کا دورہ کیا۔ ان کا استقبال پارٹی کے سرکردہ لیڈران نے پرتپاک انداز میں کیا۔INDIA Alliance Vice-Presidential candidate Justice Sudarshan Reddy visited the Indian Union Muslim League’s national headquarters, the Qaide Millath Centre in Delhi. #iumlindia #sudarshanreddy #iumlqmc pic.twitter.com/M0hcq8pOTL— Indian Union Muslim League - Kerala State (@iumlkeralastate) September 3, 2025انڈین یونین مسلم لیگ کے دہلی واقع ہیڈکوارٹر میں پارٹی کے سینئر لیڈر اور رکن پارلیمنٹ ای ٹی محمد بشیر نے بی سدرشن ریڈی کا پھولوں کا گلدستہ پیش کر استقبال کیا۔ اس موقع پر پارٹی کے قومی سکریٹری و رکن پارلیمنٹ ایڈووکیٹ حارث بیرن، آئی یو ایم ایل کے قومی سکریٹری خرم انیس عمر، اسسٹنٹ سکریٹری آصف انصاری، دہلی ریاستی صدر مولانا نثار احمد، جنرل سکریٹری عمران اعزاز کے ساتھ ساتھ کانگریس رکن پارلیمنٹ ناصر حسین بھی موجود تھے۔ موصولہ اطلاع کے مطابق اس ملاقات کا حصہ آن لائن شکل میں آئی یو ایم ایل کے قومی سیاسی امور کی کمیٹی کے سربراہ پنکڑ سید صادق علی شہاب، جنرل سکریٹری پی کے کنہالی کٹی، خزانچی پی وی عبدالوہاب، رکن پارلیمنٹ نواز خانی، سابق رکن پارلیمنٹ ابو بکر کے ساتھ ساتھ کچھ دیگر پارٹی لیڈران بھی بنے۔