دہلی ہائی کورٹ نے اپنے ایک اہم فیصلہ میں دہلی میونسپل کارپوریشن (ایم سی ڈی) کو حکم دیا ہے کہ وہ نہرو پلیس ڈسٹرکٹ کمرشل کمپلیکس میں کام کر رہے غیر قانونی وینڈرس کو ہٹانے کے لے فوری اقدامات کرے۔ عدالت نے یہ بھی کہا کہ یہ جگہ ’نو وینڈنگ‘ اور ’نو ہاکنگ‘ زون ہے۔ ساتھ ہی عدالت نے عرضی داخل کرنے والے 2 عرضی گزاروں پر جرمانہ بھی عائد کر دیا ہے۔ جسٹس پرتیبھا ایم سنگھ اور جسٹس مدھو جین کی بنچ نے اپنے جاری کردہ حکم میں کہا کہ نہرو پلیس علاقے میں ہاکروں اور وینڈرس کو اجازت دینے سے تحفظ اور سلامتی سے متعلق خدشات کافی بڑھ گئے ہیں اور وہاں صرف محدود تعداد میں مجاز وینڈرس کو ہی کام کرنے کی اجازت ہے۔دہلی-این سی آر میں 800 سے زائد افراد کے لاپتا ہونے کے معاملے پر ہائی کورٹ کا نوٹس، حکومت اور پولیس سے جواب طلبNehru Place a no-vending zone: Delhi High Court orders removal of unauthorised vendorsRead here: https://t.co/lzlMDwBBKH pic.twitter.com/9ba35887Dv— Bar and Bench (@barandbench) March 30, 2026واضح رہے کہ اس سے قبل عدالت نے 24 مارچ کو دیے گئے اپنے فیصلے میں اس بات پر زور دیا تھا کہ مجاز وینڈرس کے لیے بھی سپریم کورٹ نے انہیں دوسری جگہ بسانے کے حکم جاری کیے ہیں۔ عدالت نے کہا کہ ’’اس بات کا عدالتی نوٹس لیا جا سکتا ہے کہ نہرو پلیس کو پہلے ہی نو وینڈنگ اور نو ہاکنگ زون قرار دیا جا چکا ہے۔ یہ واضح ہے کہ نہرو پلیس میں ہاکروں اور وینڈرس کو اجازت دینے سے پورے کمرشل کمپلیکس میں تحفظ اور سلامتی کے حوالے سے کافی خدشات بڑھ گئے ہیں۔ اس علاقے میں محدود تعداد میں ہی وینڈرس کو کام کرنے کی اجازت دی گئی ہے، سپریم کورٹ نے انہیں بھی دوسری جگہ بسانے یا ان کے لیے کوئی خاص جگہ طے کرنے پر غور کرنے کی ہدایات جاری کی ہیں۔‘‘ہائی کورٹ کا یہ حکم 2 وینڈرس کی جانب سے داخل ایک عرضی پر دیا گیا۔ عرضی میں وینڈرس نے مطالبہ کیا تھا کہ افسران انہیں نہرو پلیس میں مانسروور بلڈنگ کے سامنے سامان فروخت کرنے سے نہ روکیں۔ حالانکہ اپنے 15 صفحات پر مشتمل حکم میں عدالت نے اس عرضی کو خارج کر دیا۔ عدالت نے کہا کہ ان دونوں وینڈرس کے پاس علاقے میں سامان فروخت کرنے کا کوئی قانونی حق نہیں ہے۔ ساتھ ہی عدالت نے ان دونوں پر 10000 روپے کا جرمانہ بھی عائد کر دیا اور ایم سی ڈی کو ہدایت دی کہ اس بات کو یقینی بنایا جائے کہ اس زون میں کسی بھی غیر قانونی وینڈر کو کام کرنے کی اجازت نہ دی جائے۔دہلی-این سی آر میں 800 سے زائد افراد کے لاپتا ہونے کے معاملے پر ہائی کورٹ کا نوٹس، حکومت اور پولیس سے جواب طلبعدالت نے اپنے حکم میں کہا کہ ’’یہ سمجھ سے باہر ہے کہ عرضی گزاروں کو نہرو پلیس میں سامان فروخت کرنے کی اجازت کیسے دی جا رہی ہے۔ اس لیے دہلی میونسپل کارپوریشن کو فوری طور پر کارروائی کرنی چاہیے اور اس بات کو یقینی بنانا چاہیے کہ نہرو پلیس کے علاقے میں کسی بھی غیر قانونی وینڈر کو سامان فروخت کرنے کی اجازت نہ دی جائے۔ عرضی گزار کسی بھی طرح کی راحت پانے کے حقدار نہیں ہیں۔‘‘