ریاض (01 اپریل 2026): ڈیجیٹل حج و عمرہ کے میدان میں سعودی عرب کی نسک ایپ نے نیا سنگ میل عبور کر لیا ہے، مقدس مقامات پر آنے والے زائرین کے لیے سرکاری رہنما نسک ایپ کے صارفین کی تعداد 5 کروڑ 10 لاکھ سے تجاوز کر گئی ہے۔سعودی پریس ایجنسی کے مطابق یہ اعلان وزیر حج و عمرہ توفیق الربیعہ نے مدینہ میں منعقد ہونے والے تیسرے عمرہ و زیارت فورم کی افتتاحی تقریب کے دوران کیا، جو تین دن تک جاری رہے گا اور جس میں مقامی و بین الاقوامی سطح پر وسیع شرکت ہو رہی ہے۔وزارت حج و عمرہ کی جانب سے پِلگرم ایکسپیرینس پروگرام کے اشتراک سے منعقد کیا جانے والا یہ فورم کنگ سلمان انٹرنیشنل کنونشن سینٹر میں 30 مارچ سے 1 اپریل تک جاری ہے۔وزارت حج و عمرہ کی تیار کردہ ایپلیکیشن نُسک ایپ 130 سے زائد ڈیجیٹل سروسز فراہم کرتی ہے، جن کے ذریعے زائرین اپنے سفر کی منصوبہ بندی کر سکتے ہیں۔یو اے ای، آن لائن تعلیم کے حوالے سے طلبہ کے لیے بڑی خبران میں عمرہ پرمٹ کا اجرا، مسجد نبوی روضہ شریفہ کی زیارت کے لیے بکنگ، حرمین شریفین میں ازدحام کی صورت حال، آگاہی سے متعلق اہم امور شامل ہیں۔ ایپ میں نئی سہولتوں کا اضافہ کیا گیا ہے، ان میں نسک تسبیح، حصن المسلم ، دعائیں اور اذکار، حرمین سے تلاوت، آگاہی کارڈز، قبلہ کی سمت، تاریخی مقامات کی معلومات اور اہم مقامات کے نقشے شامل ہیں۔یہ ایک مکمل ڈیجیٹل نظام ہے جس سے صارفین کو یہ سہولت مل جاتی ہے کہ وہ اپنے سفر کے تمام مراحل ایک ہی پلیٹ فارم پر ترتیب دے سکیں، جن میں ہوٹل بکنگ، حرمین ٹرین کے ٹکٹ اور پروازیں شامل ہیں۔نسک ایپ کو 25 سرکاری اور 30 پرائیوٹ اداروں سے لنک کیا گیا ہے جب کہ اس ایپ کو جدید ترین ڈیجیٹل سسٹم کے ذریعے آپریٹ کیا جاتا ہے۔