నెలల పసికందును ఇంట్లో వదిలేసి బిగ్‌బాస్ హౌస్‌లోకి అడుగుపెట్టింది సంజన. నిజానికి ఇది చాలా పెద్ద విషయం. ఎందుకంటే ఆ సమయంలో బిడ్డ దగ్గర ఉండాలని తల్లి ఎంత తాపత్రయపడుతుందో.. అమ్మ స్పర్శని బిడ్డ ఎంతగా కోరుకుంటుందో అందరికీ తెలుసు. కానీ సంజన మాత్రం బిగ్‌బాస్ హౌస్‌లోకి రావాలని నిర్ణయించుకొని తన దృష్టిలో పెద్ద త్యాగమే చేసింది.అయితే ఇటీవల తన భర్త వీడియో మెసేజ్‌ని సంజనకి చూపించారు. ఆ సమయంలో సంజన ఇద్దరు పిల్లలు అందులో కనిపించారు. ముఖ్యంగా తన చిన్న పాపని చూసి సంజనకి కన్నీళ్లు ఆగలేదు. తన కొడుకు అయితే అమ్మ మీద అలిగి సంజనతో సరిగా మాట్లాడలేదు. అప్పుడే సంజన చాలా ఏడ్చేసింది. పోనిలే ఫ్యామిలీ వీక్‌లో తన పిల్లల్ని, భర్తని చూసుకోవచ్చని సంజన అనుకుంది. కానీ వీకెండ్ వచ్చి నాగార్జున బిగ్‌ బాంబ్ అంటూ సంజనకి నో ఫ్యామిలీ వీక్ అని ప్రకటించారు. అయితే ఇది టీఆర్పీ కోసం ఆడిన నాటకమని ఆడియన్స్ కూడా అర్థమైంది. కానీ చూసే వాళ్లకి ఎలా ఉన్నా అక్కడ హౌస్‌లో తన ఫ్యామిలీ వస్తుందా రాదా అని సంజన పడే వేదన అంతా ఇంతా కాదు. పాపని ఎత్తుకొని తల్లడిల్లిపోయిన సంజనఅంత ఎందుకు ఈరోజు ఫ్యామిలీ వీక్ మొదలుకాగానే తనూజ సిస్టర్‌తో పాటు ఆమె ఇంకొక సోదరి పాప కూడా హౌస్‌లోకి వచ్చారు. ముఖ్యంగా ఆ పాపని చూసి సంజన ఫుల్ ఎమోషనల్ అయిపోయింది. ఇన్ని రోజులు అన్నీ మర్చిపోయి ఉన్నాను.. ఇప్పుడన్నీ గుర్తుకొస్తున్నాయి.. ఈ వీక్ చాలా కష్టం నాకు.. కానీ వేరే వాళ్లని చూసి నవ్వి హ్యాపీ ఉన్నాం మేము.. నా ఫ్యామిలీ వస్తుంది కదా బిగ్‌బాస్ ప్లీజ్.. అంటూ సంజన కన్నీళ్లు పెట్టుకుంది.అదే సమయంలో తనూజ సోదరి పాపని చూడగానే సంజన ప్రేమతో ఉంపొంగిపోయింది. తన కూతుర్ని ఎత్తుకున్నట్లే ఫీలై దగ్గరికి తీసుకొని తనతో ఆడుకొని ముద్దు పెట్టి తల్లడిల్లిపోయింది. ఇదంతా కట్ చేసి తాజాగా స్టార్ మా ఒక ప్రోమోని వదిలింది. సంజన ఫ్యామిలీ హౌస్‌లోకి వస్తారా అంటూ వదిలిన ఈ ప్రోమో చూసి ఆడియన్స్ ఫైర్ అవుతున్నారు.సంజనకి నో ఫ్యామిలీ వీక్ అని చెప్పి ఇంత బాధపెట్టడం అవసరమా? కనీసం సంజనకి తన ఫ్యామిలీ వస్తుందనైనా చెప్పండి అంటూ కామెంట్లు పెడుతున్నారు. నిజానికి సంజనని ఇంకా రెండు మూడు రోజులు ఏడిపించి కానీ తన ఫ్యామిలీని లోపలికి పంపించరు. ఎందుకంటే గతంలో కూడా టేస్టీ తేజ విషయంలో బిగ్‌బాస్ టీమ్ ఇలానే వ్యవహరించింది. మరోవైపు ఇప్పుటికే సంజన ఫ్యామిలీ హైదరాబాద్ వచ్చినట్లు సమాచారం.