പയ്യന്നൂർ നിയോജക മണ്ഡലം ഏറ്റുകുടുക്ക ബൂത്തിലെ ബൂത്ത്‌ ലെവൽ ഓഫീസറും കുന്നരു എ യു പി സ്കൂളിലെ ഓഫീസ് അറ്റന്റന്റ് മായ അനീഷ് ജോർജ് ആത്മഹത്യചെയ്ത സംഭവത്തിന്റെ പൂർണ ഉത്തരവാദി ഇലക്ഷൻ കമ്മീഷനാണെന്ന് കേരള എൻ ജി ഒ യൂണിയൻ.തദ്ദേശ സ്വയംഭരണസ്ഥാപനങ്ങളിലേക്കുള്ള തെരഞ്ഞെടുപ്പ് പ്രഖ്യാപനവുമായി ബന്ധപ്പെട്ടുള്ള ജോലികൾ ആരംഭിക്കുകയും, അതോടൊപ്പം ഓഫീസ് ജോലിയും ചെയ്യേണ്ടി വരുന്ന സാഹചര്യത്തിൽ തീവ്ര വോട്ടർ പട്ടിക പരിഷ്കരണവുമായി ബന്ധപ്പെട്ട നടപടിക്രമങ്ങൾ കേരളത്തിൽ മാറ്റിവെക്കണമെന്ന് എൻ ജി ഒ യൂണിയൻ നേരത്തെ തന്നെ ചീഫ് ഇലക്ടറൽ ഓഫീസറെ കണ്ട് ആവശ്യപ്പെട്ടിരുന്നു. കൂടാതെ എസ് ഐ ആർ മായി ബന്ധപ്പെട്ട് ബി എൽ ഒ മാർ കടുത്ത മാനസീക സമ്മർദ്ദം അനുഭവിക്കുന്ന സാഹചര്യത്തിൽ ജോലികൾ പൂർത്തിയാക്കുന്നതിന് സാവകാശം നൽകണമെന്നും ഇതേ ആവശ്യം ഉന്നയിച്ചു എല്ലാ ജില്ലാ കളക്ടറെയും കണ്ട് നിവേദനം നൽകുകയും ചെയ്തിരുന്നു. എന്നാൽ ഇതൊന്നും പരിഗണിക്കാതെ എസ് ഐ ആർ നടപടികൾ സമയബന്ധിതമായി പൂർത്തിയാക്കുന്നതിന് ജീവനക്കാർക്കുമേൽ കടുത്ത സമ്മർദ്ദമാണ് കഴിഞ്ഞ ദിവസങ്ങളിലായിഉണ്ടായിട്ടുള്ളത്. അതിന്റെ ഇരയാണ് അനീഷ് ജോർജിന്റെ ആത്മഹത്യ എന്ന് എൻജിഒ യൂണിയൻ പ്രസ്താവനയിലൂടെ പറഞ്ഞു. ALSO READ: ‘ബിഎല്‍ഒ ആത്മഹത്യ ചെയ്തത് ദൗർഭാഗ്യകരമായ സംഭവം, തെരഞ്ഞെടുപ്പ് കമ്മീഷൻ്റേത് ഏകപക്ഷീയമായ നടപടി’: എം വി ജയരാജൻഈ സംഭവത്തിൽ ജീവനക്കാർ എസ് ഐ ആർ ജോലി ബഹിഷ്‌ക്കരിക്കുന്നത് ഉൾപ്പെടെയുള്ള ശക്തമായ പ്രക്ഷോഭപരിപാടികൾ സംഘടിപ്പിക്കുമെന്ന് കേരള എൻജിഒ യൂണിയൻ പ്രസ്ഥാവിച്ചു.The post കണ്ണൂരിൽ എസ് ഐ ആർ ജോലിസമ്മർദ്ദത്താൽ ബിഎൽഒ ജീവനൊടുക്കിയ സംഭവം; ‘ഉത്തരവാദി തെരഞ്ഞെടുപ്പ് കമ്മീഷൻ’; എൻ ജി ഒ യൂണിയൻ appeared first on Kairali News | Kairali News Live.