ایرانی وزیر خارجہ سید عباس عراقچی نے بحیرہ کیسپین کے ساحلی صوبوں کے گورنروں کے پہلے اجلاس کے بعد پریس کانفرنس کے دوران کہا کہ یہ اجلاس کیسپین ریجن میں اپنے پڑوسیوں کے تعلقات کو زیادہ سے زیادہ فروغ دینے کی غرض سے منعقد کیا گیا ہے۔غیر ملکی ذرائع ابلاغ کے مطابق ایرانی وزیر خارجہ سید عباس عراقچی نے کہا کہ ہم نے کچھ عرصہ قبل بحیرہ کیسپین کے ممالک کا سربراہی اجلاس منعقد کیا تھا اور جلد ہی ان ممالک کے وزرائے خارجہ کا اجلاس منعقد کیا جائے گا۔ایرانی وزیر خارجہ نے صوبہ گیلان کی میزبانی میں منعقد ہونے والے اجلاس میں مازندران اور گلستان کے گورنروں اور جمہوریہ آذربائیجان، ترکمانستان، قازقستان اور روس کے متعدد گورنروں کی شرکت کو خوش آئند قرار دیا۔ایران کسی کے احکامات پر نہیں چلے گا، عباس عراقچیاس موقع پر اُن کا کہنا تھا کہ یہ اجلاس بحیرہ کیسپین کے ساحلی صوبوں کو ایک دوسرے کی گنجائشوں سے روشناس کرانے اور موجودہ مسائل کے حل کے لیے راستے تلاش کرنے کی غرض سے بلایا گیا ہے۔ایرانی وزیر خارجہ کا مزید کہنا تھا کہ کیسپئن ریجن میں ٹرانزٹ روٹس، توانائی، سیاحت اور تجارت کے شعبوں میں تعاون کی بے پناہ گنجائشیں موجود ہیں اور یہ اجلاس ایک دوسرے کی گنجائشوں کے بارے میں جاننے اور ان سے فائدہ اٹھانے کا بہترین پلیٹ فارم ہے۔