نئی دہلی: سابق وزیراعظم اندرا گاندھی کے 108 ویں یومِ پیدائش کے موقع پر بدھ کی صبح ان کی نئی دہلی واقع آخری رام گاہ ’شکتی استھل‘ پر ایک خصوصی تقریبِ یادگار منعقد کی گئی، جہاں کانگریس کی اعلیٰ قیادت نے ان کی خدمات اور وراثت کو خراجِ عقیدت پیش کیا۔ اس موقع پر کانگریس پارلیمانی پارٹی کی چیئرپرسن سونیا گاندھی، قائدِ حزبِ اختلاف راہل گاندھی اور کانگریس صدر ملکارجن کھڑگے سمیت متعدد سینئر رہنما موجود تھے۔تقریب میں اے آئی سی سی کے جنرل سکریٹری (آرگنائزیشن) کے سی وینوگوپال اور دیگر مرکزی و ریاستی سطح کے رہنماؤں نے بھی شرکت کی۔ رہنماؤں نے اندرا گاندھی کی آخری آرام گاہ پر پھول چڑھائے اور خاموشی اختیار کرتے ہوئے انہیں قوم کی تعمیر، قومی سلامتی اور عالمی وقار کی بحالی کے لیے ان کی خدمات پر خراجِ تحسین پیش کیا۔کانگریس نے اس موقع کو ’تقریبِ یاد‘ قرار دیتے ہوئے کہا کہ اندرا گاندھی کا یومِ پیدائش نہ صرف ایک تاریخی لمحہ ہے بلکہ ہندوستانی سیاست میں ان کی مضبوط قیادت اور فیصلہ کن کردار کو یاد کرنے کا دن بھی ہے۔ پارٹی کے مطابق اندرا گاندھی کا سیاسی سفر ہندوستان کی خودمختاری، خودکفالت اور قومی عزم کی علامت رہا۔भारत के लिए निडर होकर फैसले लेने और हर परिस्थिति में देशहित को प्रथम रखने की प्रेरणा मुझे दादी से ही मिली है।उनका साहस, देशभक्ति और नैतिकता आज भी मुझे अन्याय के ख़िलाफ़ मज़बूती से खड़े होने का हौसला देती हैं। pic.twitter.com/6lGu1oAq45— Rahul Gandhi (@RahulGandhi) November 19, 2025اس موقع پر راہل گاندھی نے ’ایکس‘ پر ایک خصوصی پیغام جاری کیا، جس میں انہوں نے لکھا، ’’ہندوستان کے لیے بے خوف فیصلے لینے اور ہر حال میں قومی مفاد کو ترجیح دینے کی تحریک مجھے دادی سے ہی ملی ہے۔ ان کا حوصلہ، حب الوطنی اور اصول پسندی آج بھی مجھے ناانصافی کے خلاف مضبوطی سے کھڑے ہونے کا حوصلہ دیتی ہے۔راہل گاندھی کے مطابق اندرا گاندھی نہ صرف ایک مضبوط سیاسی رہنما تھیں بلکہ ایک ایسی شخصیت بھی تھیں جنہوں نے ملک کی ترقی اور عام شہریوں کی بہبود کو ہمیشہ اولین ترجیح دی۔ اندرا گاندھی کے یومِ پیدائش پر ملک بھر میں بھی کانگریس دفاتر اور مختلف تنظیموں نے خصوصی اجتماعات منعقد کیے، جہاں ان کے سیاسی کردار، تاریخی فیصلوں، 1971 کی جنگ میں ان کی قیادت اور بینکوں کے قومیانے جیسے بڑے اقدامات کو یاد کیا گیا۔आजीवन संघर्ष,साहस व कुशल नेतृत्व की मिसाल, भारत की "लौह महिला", श्रीमती इंदिरा गांधी की जयंती पर शत शत नमन।राष्ट्र की एकता, अखंडता और उत्थान के लिए उन्होंने अपने साहस, दूरदर्शिता और दृढ़ नेतृत्व से अनेक महत्वपूर्ण कदम उठाए, जिन्होंने भारत को वैश्विक स्तर पर एक विशिष्ट पहचान… pic.twitter.com/Y9TwYpCg4v— Mallikarjun Kharge (@kharge) November 19, 2025کانگریس کے صدر ملکارجن کھڑگے نے کہا، ’’اندرا گاندھی کی قابلِ تقلید اور متحرک قیادت، جس میں انہوں نے غیر معمولی سیاسی جرأت کا مظاہرہ کیا، ہمیشہ تحریک دیتی رہے گی۔ عوامی خدمت کے لیے ان کا غیر متزلزل عزم اور عمر بھر کی وابستگی نے ہندوستان کی ترقی کے سفر پر ایک انمٹ نشان چھوڑا ہے۔ قوم کی یکجہتی اور سالمیت کے تحفظ کے لیے ان کی عظیم قربانی کروڑوں سلام کی مستحق ہے۔ ان کے یومِ پیدائش پر ہم ان کی دائمی وراثت کو خراجِ عقیدت پیش کرتے ہیں۔‘‘کانگریس نے کہا کہ اندرا گاندھی کی وراثت آج بھی پارٹی کے نظریاتی سفر اور سیاسی مزاحمت کا بنیادی ستون ہے اور ان کے دکھائے ہوئے راستے نئی نسل کو مسلسل حوصلہ اور رہنمائی فراہم کرتے رہیں گے۔