കോണ്‍ഗ്രസിനെ ദേശീയ താൽപ്പര്യം ഉപേക്ഷിച്ചവരെന്നും രാജ്യത്തിന്റെ ഐക്യത്തിന് ഏറ്റവും വലിയ ഭീഷണിയാണെന്നും വിദ്വേഷം നിറഞ്ഞ വാക്കുകളോടെയുള്ള നരേന്ദ്രമോദിയുടെ പ്രംസംഗത്തെ ഉദാത്തമെന്ന് വിശേഷിപ്പിച്ച ശശിതരൂറിനോട് കേരളത്തിലെ കോൺഗ്രസുകാർക്ക് എന്താണ് പറയാനുള്ളത് എന്ന ചോദ്യമുന്നയിച്ച് ഡോ. ജോണ്‍ബ്രിട്ടാസ് എംപി.തരൂര്‍ പ്രകീര്‍ത്തിച്ച മോദിയുടെ പ്രസംഗത്തിലെ കോണ്‍ഗ്രസിനെതിരായി പറയുന്ന പ്രസക്തഭാഗവുമുള്‍പ്പെടുത്തിയാണ് കോണ്‍ഗ്രസുകാരോട് ഡോ. ജോണ്‍ബ്രിട്ടാസ് എംപിയുടെ ചോദ്യം. അദ്ദേപം പങ്കുവെച്ച ഫേസ്ബുക്ക് പോസ്റ്റ്.Also Read: ബിജെപിയിലെ ആത്മഹത്യകൾ: എന്താണ് മരണങ്ങൾക്ക് കാരണമെന്ന് രാജിവ് ചന്ദ്രശേഖർ വ്യക്തമാക്കണമെന്ന് മന്ത്രി വി ശിവൻകുട്ടിഞാൻ ഏറെ ബഹുമാനിക്കുന്ന വ്യക്തിത്വങ്ങളിൽ ഒരാളാണ് ശ്രീ ശശി തരൂർ. ഇന്ത്യൻ എക്സ്പ്രസ്സ് സ്ഥാപകൻ രാംനാഥ് ഗോയങ്കയുടെ സ്മരണയ്ക്കായുള്ള ഈ വർഷത്തെ പ്രഭാഷണം നടത്തിയത് പ്രധാനമന്ത്രി നരേന്ദ്രമോദിയായിരുന്നു. മാധ്യമസ്വാതന്ത്ര്യത്തിനു വേണ്ടി പോരാടിയ ഗോയങ്കയെക്കുറിച്ചുള്ള പ്രഭാഷണം, കഴിഞ്ഞ പതിനൊന്ന് വർഷക്കാലമായി ഒരു പത്രസമ്മേളനം പോലും നടത്താത്ത നരേന്ദ്രമോദി നിർവഹിച്ചതിനെക്കുറിച്ചുള്ള ചർച്ച തൽക്കാലം മാറ്റിവയ്ക്കാം. മോദിയുടെ പ്രസംഗത്തെ ഉദാത്തം എന്നാണ് ശശി തരൂർ വിശേഷിപ്പിച്ചത്. തരൂരിന് നിലപാടുകൾ സ്വീകരിക്കാനുള്ള അവകാശം ഉണ്ട്. എന്നാൽ കോൺഗ്രസിന്, പ്രത്യേകിച്ച് കേരളത്തിലെ കോൺഗ്രസുകാർക്ക്, ഇക്കാര്യത്തിൽ എന്തു പറയാനാണുണ്ടെന്ന് അറിയാൻ താല്പര്യമുണ്ട്. പിഎംശ്രീ ഒപ്പുവച്ചപ്പോൾ (ഈ പദ്ധതിയിൽ എല്ലാ കോൺഗ്രസ് ഗവൺമെന്റുകളും ഭാഗഭാക്കായിരുന്നു) ഡീൽ… ഡീൽ… എന്ന് അലറിക്കൂവിയ ഇവർ എന്തേ മിണ്ടാത്തത്?തരൂർ പ്രകീർത്തിച്ച പ്രസംഗത്തിലെ പ്രസക്തഭാഗം താഴെ കൊടുക്കുന്നു:“അർബൻ നക്സലുകളും മാവോയിസ്റ്റ് ശക്തികളും 10–15 വർഷങ്ങൾക്ക് മുമ്പ് കോൺഗ്രസിനുള്ളിൽ കയറിക്കൂടിയതോടെ കോൺഗ്രസിനെ മുസ്ലിം ലീഗ്-മാവോയിസ്റ്റ്-കോൺഗ്രസ് (MMC) ആക്കി മാറ്റി. ഇന്ന് ഞാൻ പൂർണ ഉത്തരവാദിത്വത്തോടെ പറയുന്നു – ഈ മുസ്ലിം ലീഗ്-മാവോയിസ്റ്റ്-കോൺഗ്രസ് സ്വന്തം സ്വാർത്ഥ താൽപ്പര്യങ്ങൾക്ക് വേണ്ടി ദേശീയ താൽപ്പര്യം ഉപേക്ഷിച്ചിരിക്കുകയാണ്. ഇന്നത്തെ ഈ മുസ്ലിം ലീഗ്-മാവോയിസ്റ്റ്-കോൺഗ്രസ് രാജ്യത്തിന്റെ ഐക്യത്തിന് ഏറ്റവും വലിയ ഭീഷണിയായി മാറിക്കൊണ്ടിരിക്കുകയാണ്”“The urban Naxals and Maoist forces that infiltrated the Congress 10–15 years ago have now turned the Congress into the Muslim League–Maoist-Congress (MMC). And today, I say this with full responsibility that this Muslim League–Maoist-Congress has abandoned national interest for its own selfish motives. Today’s Muslim League–Maoist-Congress is becoming a major threat to the unity of the country.”The post കോണ്‍ഗ്രസിനെതിരായ മോദിയുടെ പ്രസംഗം ‘ഉദാത്തം’ എന്നു പറഞ്ഞ ശശി തരൂറിനോട് കോൺഗ്രസുകാർക്ക് എന്താണ് പറയാനുള്ളത്: ഡോ. ജോണ്‍ ബ്രിട്ടാസ് എംപി appeared first on Kairali News | Kairali News Live.