Vehicle Fitness: వాహనదారులకు బిగ్ షాక్. వెహికల్స్ ఫిట్‌నెస్ టెస్టుల ఛార్జీలను కేంద్రం ప్రభుత్వం భారీగా పెంచింది. ఏకంగా 10 రెట్లు ఛార్జీలు పెంచుతూ కేంద్ర రోడ్డు రవాణా, రహదారుల మంత్రిత్వ శాఖ ఈ మేరకు నోటిఫికేషన్ జారీ చేసింది. అందుకు తగినట్లుగా సెంట్రల్ మోటార్ వెహికల్స్ రూల్స్‌లో సంబంధిత మార్పులు చేసింది. వాహనాల ఫిట్‌నెస్ టెస్ట్ ఫీజులు పదింతల వరకు పెరగడం గమనార్హం. కొత్త ఫీజులు దేశవ్యాప్తంగా తక్షణమే అమలులోకి తీసుకొస్తున్నట్లు నోటిఫికేషన్‌లో పేర్కొంది. గతంలో 15 సంవత్సరాలు దాటిన వాహనాలకు మాత్రమే ఫిట్‌నెస్ టెస్ట్ ఫీజులు వసూలు చేసే వారు. కానీ, తాజా సవరణతో 10 సంవత్సరాలు దాటిన వాహనాలకూ సైతం ఛార్జీలు వసూలు చేస్తున్నట్లు పేర్కొంది. దీంతో ఇప్పుడు వెహికల్స్‌ను వాటి వయసు ప్రకారం మూడు కేటగిరీలుగా వర్గీకరించారు. అందులో 10- 15 సంవత్సరాలు, 15- 20 సంవత్సరాలు, 20 ఏళ్లు పైబడినవిగా విభజించారు. వాటి ఆధారంగానే కొత్త ఛార్జీలను నిర్ణయించారు. హెవీ కమెర్షియల్ వెహికల్స్ ఫిట్‌నెస్ టెస్ట్ ఫీజు భారీగా పెంచారు. 20 ఏళ్లు దాటిన ట్రుక్కు లేదా బస్సు అయితే రూ. 25,000 చెల్లించాల్సి ఉంటుంది. గతంలో ఈ ఛార్జీలు రూ. 2,500 మాత్రమే. 20 సంవత్సరాలు దాటిన మీడియం కమెర్షియల్ వెహికల్ అయితే ఫీజు రూ. 20,000గా నిర్ణయించారు. గతంలో ఈ ఛార్జీలు రూ. 1,800గా ఉన్నాయి. లైట్ మోటార్ వెహికల్ అయితే ఇప్పుడు రూ. 15000 చెల్లించాలి. అదే ఆటో వంటి త్రీవీలర్స్ అయితే రూ. 7000, టూ వీలర్ అయితే రూ. 2000 చెల్లించాల్సి ఉంటుంది.10-15 సంవత్సరాల వాహనాల ఫిట్‌నెస్ కోసం అయితే ఛార్జీలు భారీగా పెంచింది. ఈ కేటగిరీలోని టూ వీలర్స్ అయితే రూ. 400, కార్ల వంటి లైట్ మోటార్ వెహికల్ అయితే రూ. 600, మీడియం అండ్ హెవీ కమెర్షియల్ వెహికల్ అయితే రూ. 1000గా కొత్త రేట్లను నిర్ణయించారు. పెంచాల్సి వచ్చినట్లు కేంద్ర ప్రభుత్వం తెలిపింది. దీంతో వెహికల్ స్క్రాపేజ్ పాలసీకి మద్దతు లభిస్తుందని పేర్కొంది. ఫిట్‌నెస్ టెస్ట్ ఫీజులు భారీగా ఉంటే ఓనర్లు అంత మొత్తం చెల్లించేందుకు బదులు కొత్త వాహనాలు కొనేందుకు మొగ్గు చూపుతారని అభిప్రాయపడింది.