امریکا نے غیرقانونی طور پر مقیم اور جرائم میں ملوث 200 بھارتی شہریوں کو ڈی پورٹ کر دیا، ملک بدر کئے جانے والوں میں بدنامِ زمانہ گینگسٹر انمول بشنوئی بھی شامل ہے۔بھارتی میڈیا کی رپورٹ کے مطابق امریکا کی جانب سے ڈی پورٹ کئے جانے والے بھارتیوں میں بدنامِ زمانہ گینگسٹر انمول بشنوئی، پنجاب میں مطلوب دو فرار ملزمان اور 197 غیرقانونی طور پر مقیم افراد شامل ہیں۔رپورٹس کے مطابق انمول بشنوئی گرفتار گینگ لیڈر لارنس بشنوئی کا چھوٹا بھائی ہے جو بھارت میں کئی سنگین مقدمات میں پولیس کو مطلوب ہے۔بھارتی میڈیا کا کہنا ہے کہ انمول پر درج متعدد مقدمات میں سابق بھارتی وزیر بابا صدیق کے قتل اور اداکار سلمان خان کے گھر کے باہر فائرنگ کے مقدمات بھی شامل ہیں۔بھارتی خفیہ اداروں کا کہنا ہے کہ انمول اپریل 2022 میں جعلی پاسپورٹ کا استعمال کرتے ہوئے بھارت سے فرار ہونے میں کامیاب ہوگیا تھا، جس کے چند ہفتے بعد 29 مئی کو گلوکار سدھو موسے والا کو قتل کردیا گیا تھا۔رپورٹس کے مطابق انمول بشنوئی جعلی روسی دستاویزات کے ذریعے امریکا اور کینیڈا کے درمیان منتقل ہوتا رہا جب تک کہ اسے ٹریک کر کے گرفتار نہیں کرلیا گیا۔لبنانی فوج کے سربراہ کا امریکا کا دورہ آخری لمحے میں منسوختفتیش کاروں کا کہنا ہے کہ اس نے بیرون ملک سے اینکرپٹڈ کمیونیکیشن چینلز کے ذریعے گینگ آپریشنز کی ہدایات جاری کرنا جاری رکھا ہوا تھا۔