بہار کے وزیر اعلیٰ نتیش کمار نے آج راج بھون پہنچ کر وزیر اعلیٰ عہدہ سے استعفیٰ دے دیا۔ اس کے ساتھ ہی انھوں نے این ڈی اے اراکین اسمبلی کی حمایت پر مشتمل خط گورنر عارف محمد خان کو سونپ دیا ہے۔ انھوں نے نئی حکومت بنانے کی دعویداری پیش کر دی ہے اور اب کل، یعنی 20 نومبر کو وہ از سر نو وزیر اعلیٰ عہدہ کا حلف لیں گے۔#WATCH | Patna | NDA leaders today unanimously elected Nitish Kumar as the leader of the NDA legislature party pic.twitter.com/zOIEYkJcvg— ANI (@ANI) November 19, 2025این ڈی اے قانون ساز پارٹی کا لیڈر منتخب کیے جانے کے بعد نتیش کمار نے راج بھون جا کر گورنر عارف محمد خان سے ملاقات کی۔ این ڈی اے قانون ساز پارٹی کی میٹنگ میں نتیش کمار کے نام کی تجویز بی جے پی لیڈر سمراٹ چودھری نے پیش کی۔ نئی حکومت میں سمراٹ چودھری اور وجئے سنہا نائب وزیر اعلیٰ برقرار رہیں گے۔ این ڈی اے قانون ساز پارٹی کی میٹنگ سے قبل آج بی جے پی قانون ساز پارٹی کی میٹنگ ہوئی تھی، جس میں سمراٹ چودھری اور وجئے سنہا کو نائب وزیر اعلیٰ بنائے رکھنے کا فیصلہ کیا گیا۔नीतीश कुमार ने बुधवार (19 नवंबर) को राजभवन पहुंचकर मुख्यमंत्री पद से अपना इस्तीफ़ा सौंप दिया। इसके साथ ही उन्होंने राज्यपाल आरिफ़ मोहम्मद खान को एनडीए विधायकों के समर्थन का पत्र भी दिया और राज्य में नई सरकार बनाने का औपचारिक दावा प्रस्तुत किया। एनडीए विधायक दल का नेता चुने जाने… pic.twitter.com/qyDs9IKNuk— Millat Times (@Millat_Times) November 19, 2025واضح رہے کہ جنتا دل یو قانون ساز پارٹی کی میٹنگ میں 18 نومبر کو نتیش کمار لیڈر منتخب کیے گئے تھے۔ آج این ڈی اے قانون ساز پارٹی کی میٹنگ میں متفقہ رائے سے نتیش کمار کو لیڈر منتخب کیے جانے کے بعد ان کے دسویں مرتبہ بہار کا وزیر اعلیٰ بننے سے متعلق راستہ ہموار ہو گیا۔ پٹنہ کے تاریخی گاندھی میدان میں 20 نومبر حلف برداری تقریب منعقد ہو رہی ہے ہیں جس میں کئی سرکردہ سیاسی شخصیات کی شرکت ہوگی۔ نتیش کمار نے 18 نومبر کو خود ہی گاندھی میدان پہنچ کر حلف برداری تقریب کی تیاریوں کا جائزہ لیا تھا۔